LONEITUTE THIAN
Loneitu hriattur puanchhuahna
Loneitu hriattur puanchhuahna
Aieng hi chawhmeh atana an hman mai bakah vun tih ngo nan leh damdawi atan hmanlai aṭangin an lo hmang ṭhin tawh a. A ṭhatna ṭhenkhat te chu hengte hi an ni – Pumna tan, nachhawkna atan, thisen tifaitu atan, tihrawl tidamtu atan, rulhut hlo atan leh pem damdawi atan. Aieng in bawlhlo pai pawimawh ber chu Curcumin a ni. Hei hian kan thina tûr inseam tur nasa takin a veng thei. Sik leh Sa (Climate) duhzawng : 20-300C
Lei (Soil) : Lei dur dip ṭha pH 4.5-7.5 inkar
A chi hrang te (Variety) :
Lakadong, Dzongu, Allepey, Sudharshana, Suroma, Roma leh Megha Turmeric 1.
A chi siam dan :
A chi chu zai bun tur a ni. A zung pengte chu 4-5 cm aia sei deuh hleka tan bun bawk tur. Ton 2 aṭanga ton 2 1⁄2 hi ram hectare 1-a chin a tawk. Chin hmain Trichoderma viride (Nicoderma) gram 10-ah aieng chi kg 1 zela chiah hian natna lakah a veng thei.
Mulching/Hlo Venna :
Hlo ven nan buhpawl emaw hnim hring hmangin lin hnuah khuh a ṭha. Hei hian a ṭiah leh ṭhan ṭhat nan a puih mai bakah lei a tihnawng a, lei min tur a veng bawk a ni.
Source :
Mission Organic Mizoram
Directorate of Agriculture,
Mizoram : Aizawl
Pages :1-4
Hlo enkawl dan : Hlo hi vawi 3 thlawh a ṭha. Chin aṭanga ni 60, ni 90 leh ni 120 hnuah a lo berah thlawh a ṭha. Tin, chin aṭanga ni 60 hnuah lei rih vur hi thlai tan a ṭha hle. Aieng eichhetu rannungte :
1. Shoot borer (Dichocoris punctiferalis)
Aieng kung kher kawtu rannung a ni a, he pangang hian Aieng kungah kua hreuhin, a chhung aṭangin a eichhe ṭhin a, a kung a lo ro a, a thih phah ṭhin a ni.
2. Leaf Roller (Udaspes folus)
He rannung hian aieng hnah khawrin a chhungah a awm ṭhin a, chuta ṭang chuan a hnah chhiain a inthlahpung ta ṭhin a ni.
3. Thrips (Panchaetothrips indicus)
Hnah a zûkna lamah a ti vuai a, a invial vek ṭhin.
A rei hnuah a hnah a lo ro vek ta ṭhin a ni.
A enkawl dan :
1. Rannung (pangang) ho hi kuta thenfai tur.
2. Nico neem 5ml/L hmanga ni 15 dan zeal aieng kah ṭhin tur. Nico neem bur 1 (Litre 1) hi tur litre 200-a pawlh dal hnuah ram hectare 1-a zau rannung ven nan a hman theih a ni.
3. Blue sticky traps (thrips tan) hman tur. Plastic phek pawlah grease (thil ban) taha aieng kung bula dah tur.
Source :
Mission Organic Mizoram
Directorate of Agriculture,
Mizoram : Aizawl
Pages :1-4
Natna :
1. Aieng tâm (Rhizome rot)
- A lan dan chu hnah hnuailam aṭangin a rawn eng chhuak.
- A hnah tlang a rawn ro a, hnah bul lama lut thlain a hnah zawng zawng a ti ro vek ṭhin.
- Aieng kung a tiṭawih a, a ti rimchhe vek ṭhin a. He natna hi thlai pakhatin a vei tawh chuan a dang a kai darh vek ṭhin a ni.
A enkawl dan :
- A chi hrisel chauh hman tur.
- Natna vei kungte chu halral vek tur.
- Aieng quintal 1 chiah nan Trichoderma viride (Nicoderma) kg 1 tui litre 100-a pawlhin chin hmaa chiah tur a ni.
- Nicoderma leh organic leiṭha pawlha a kung bula phul pawh hian natna nasa takin a veng thei a ni.
- Nicoderma kg 1 tur litre 100-a pawlh dal hnuah aieng kung bulah kah tur.
Seng hun : January – March.
A thar theih zat : 20-25 tonnes/ha
Source :
Mission Organic Mizoram
Directorate of Agriculture,
Mizoram : Aizawl
Pages :1-4
Curing : Curing awmzia tak chu aieng a nêm nana tuia chhumso leh a rimna tak paihbo nan.
- Aieng chhum chhung hi minute 45-60 a ni tur a ni. Aieng chhum sa chu nisaah pho leh tur a ni.
-Aieng ṭha taka phoro chu aieng powder siam nan a hman theih a ni.
A chi dah ṭhat dan :
Aieng chi chu saiipah emaw lei laih khuarah emaw a dah ṭhat theih a. Nihlim hnuaiah rem taka dah tur a ni. A theih phei chuan hnaha khuh a ṭha
Nutrient Deficiency :
Hetianga hnah eng a lo awm nachhan hi chu thlaiin an mamawh ang chaw ṭha an hmuh tawk loh avang a ni thei. Hnah hnuai lam a lo eng a nih chuan Nitrogen tlakchham vang a ni thei bawk.
A enkawl dan :
Nature Vel SW a compost siam chawp hman hian thlai tan chaw ṭha a pe.
Nature Vel AG hi thlai tet lai aṭangin ni 10 inkar dan zelah thlai kah nan hman a ṭha. Hei hi thlai tan chaw ṭha tak a ni tel bawk.
Source :
Mission Organic Mizoram
Directorate of Agriculture,
Mizoram : Aizawl
Pages :1-4