Cauliflower(Parbawr)

A hming:

Mizo         - Parbawr

English        - Cauliflower

Hindi         - Pholl Gobhi

Botanical name     - Brassica oleracea

           botrytis L.

2.A tangkainate :India ram thlai chawhmeh zinga lar ber pakhat a ni a. A parbawr kan ei thin hi a par kuhmum tamtak infinkhawmin a siam a ni a. A naupan laiin hlawm khat angin a lang mai a ni. A parbawr hi chawhmehah chhum, kan, um tihrova dah that a ei tur a ni. A ei theih lai gram 100 zela chaw tha paite chu :

1) Water	21.7 gm
2) Protein	2.4 gm
3)Fat	0.2 gm
4)Carbohydrates	4.9 gm
5)Fibre	0.9 gm
6)Vitamin A	90 IU
7)Vitamin B1	0.11 mg
8)Vitamin B2	0.10 mg
9)Vitamin B 6	3.2 mg
10) Vitamin C	60 mg
11.)Chlorine	20 mg
12)Malic Acid	390 mg
13)Citric Acid	210 mg
14)Sodium	16 mg
15)Potassium	400 mg
16)Calcium	22 mg
17)Magnesium	7 mg
18)Iron	1.1 mg
19)Phosphorus	72 mg
20)Sulphur	29 mg

3. Sik leh sa : : Khawvawt leh hnawng tawk a duh a. Temperature 50℉- 70℉-ah a tha duh ber. Khawlumah chuan a parbawr a hlawm tha thei lovin a var tha thei lova. Khawro-ah chuan parbawr tak te leh chang deuh si a chhuak thin.

4.A lei duhzawng : Lei dur tha tui pawm deuh mahse inthlihul hma si a duh a. Vaivut lei deuh emaw, vaivut leh lei tak inpawlh emaw a tha. Lei thur lo tak pH 6-7 a duh bawk. Mizorama lei tam ber hi chu 5.8- 4.8 a ni a. Chuvang chuan Mizoram pawh hian Bawngek leitha tam tak leh chinai tea sawisakin parbawr lian tak tak a thar ve thei a ni.

5. Leitha Mamawh zat : :Leitha a heh em avangin hetiang hi hectare khat hmuna a mamawh zat a ni.

Hectare khata zauah Bawngek lei tha 25 tonnes emaw acre khat a zauah 10tonnes emaw zikhlum phunna tur thlurah phun hmain lo chawhpawlh lawk vek tur a ni. Tin a hnuaia tarlan ang hian fertilizers pawh kan pe bawk tur a ni.

Thlai Chaw	Mamawh zat	Form	Fertilizer	Mamawh zat
	Kg/Ha		Kg/Ha	Kg/Ha
N	80	Urea	124	50
P2O5	60	DAP	130	52
K2O	60	MOP	100	40

    Fertilizer tarchhuah DAP leh MOP zavai leh Urea zahve khi thlai phun hma a lei nen lo cheh pawlh tur a ni a. Urea a zahve la awm chu thlai phun hnu kar 4 vel-ah phul leh tur a ni.

Bio-fertilizer : Azotobacter 1 Kg leh Phosphotika 1Kg, tui tam tawk nen a chhawhpawlhin Zikhlum tiak phunsawn tur te 25-30 minutes chiah tur a ni a, chumi hnuah phunsawn tur a ni. Hei hi acre khat a phun tur chiah nana hman tawk a ni.

Chinai thi pek dan: hectare khatah chinai thi 10-15 qtls. thlai phun hma ni 15-ah lei ah lo thehdarh lawk tur a ni bawk.

7. Achi kui tiah dan : : A chi kui tiah nan seed beed ft. 4 azau, ft 12 a sei, inches 6-8 a pawngin siam tur ani. A chung ft. 4 a kang sangin siam tur a ni. Bawngek lei dur tin 2 vel nen lei chu dip taka chehpawlhin huih rual tur a ni. A chi chu kui hmain Captan thirfiante khat leh tui litre 1 chawhpawlh a minute 2 chhung chiah hmasakin natna lakah a veng. Tin, a chi chu a tlarin inchi 1 danah mu khat tla zel angin kui tur ani a, lei dipin pan tea khuh tur a ni a, chutiang chi kuina bial 10 vel chu hectare khat phun khah nan a mamawh a ni.

8. A chi kui hun : A thar rang atan August - September, A tlai chi atan October - November.

9.. A mamawh zat : Athar hma chi atan gram 600 – 700 a thar tlai chi atan gram 350-400 hectare khat atan a tawk.

10. A phunsawn dan : Thlai tiak chu kar 4-6 vela upa a nihin phun sawn hun a ni. A inhlat zawng chu a lei that dan a zir a ni thei ang. A tlangpui thu in thar hma chi a kung leh kung inkar ft. 11/2, a tlar leh tlar in kar ft.2 in phun tur a ni. A lei a that viau a ,a tlai chi phun a nih chuan a tlar leh tlar inkar ft.3 a tlar a kung leh a kung inkar ft.2 a tawk a ni.

11. Enkawlzui dan : Thlai tiak inches 6-8 vel anihin a bul tlemte a rih vur zel a tha. Thuk tak leh hnaih taka cheh phut erawh a tha lo. Lei ti hnawng tawkin tui pek fo tur a ni. A hlum a insiam puitlin tawh hnua tui pek tam thut chuan a hlum a keh duh. Chuvangin tui pek hun leh tam zawng inrual deuhin pek a tha. Tin, tui thianghlim lovin a hnah chhungah leihsuh ang che. Tui hnianghnara pek tur a awm chuan a tlar leh a tlar inkarah khan tui kawng ang deuha ram awitlan zawgin siam nise. January thla chawhnu thleng chuan ni 10 danah tui luan hawn tir (flooding) tur a ni. Chumi hnuah chuan ni 7 danah pek tur a ni.

12. A seng hun : A thar rang chi chuphun sawn atanga ni 60-80 velah a seng theih a. A tlai chi erawh chu ni 100 - 120 a duh thung.

13. A thar zat : Hectare khata thar theih zat chu a thar rang chi atan 300 - 350 qtls. leh a tlai chi atan quintal 350- 400 a ni.

Source : Thlasik thlai chin dan

Agriculture Extension Series 33/2007

Department of Agriculture (Crop Husbandry)

Page 13-16