Parhlawm (Brocoli)

                                                                Parhlawm (Brocoli)

A hming:

Scientific Name -         - Brassica oleracea L.Var Italica

Family        - Crucifera

Genus         - Brassica

Origin     - Brocoli hi Italy ram a an chin, chumi hnua USA ramin khawvel hriata an

      chin lar tak a ni.

Common Name        - Bud Bearing Cabbage tih a ni.

Neihbawi Farm-a an chin dan :

a) A chi hrang hrangte : Packman, Bronzino, Calabrease, Danish Giant etc.

b) Boruak duh dan : Khawvawt thlai a ni a, vawt si hnawng bawk si hi a duh dan a ni.Khawvawt tak leh vur tla pawh a tuar thei a ni. Temparature 12.8 degree atanga 15.6 degree C inkar hi a kui tiah nan a tha ber a ni.

c) Lei duhdan : Lei engangah pawh a tha thei deuh vek mai a. Balu lei leh thawl (leitha nawi tui lianin a paihchhuah) ah hian a hlawk ber a ni.

     Leithur tehna PH 5.5 atanga 6.6 hi a duh tawk lai vel a ni a, 5.5 pH aia thurah chuan chinai thi hman tel tur a ni.

d) Leitha leh lei chi ( Manure and Fertilizer) :Packman, Bronzino, Calabrease, Danish Giant etc.

     Hei bakah hian a hnuaia fertilizer te hi hman tur a ni bawk.

Thlai Chaw	Mamawh zat	Form	Fertilizer	Mamawh zat
	Kg/Ha		Kg/Ha	Kg/Ha
N	80	Urea	122	49
P2O5	60	DAP	130	52
K2O	50	MOP	100	40

     Tin, thlai phun tur khur khatah hian 250 grams Bawngek dah zel tur a ni.

e)A chin hun : September atanga October.

f)A chi mamawh zat : 600 - 700 grams hi hactare khatah a tawk a, 250 - 300 grams hi acre khatah a tawk vel a ni.

g)A chi kui tiah: Seed bed 12 ft.x 4ft. a pawn sang zawng 8 inches turin leidip tha tak a tih phut a siam tur a ni. Hetiang ang seed bed tinah hian hactare khat a zau Phun tur a kui tiah theih tawk vel a ni. Seed bed tinah bawngek leitha tin 2 vel chawhpawlh tur a ni bawk. Thlai chi chu a tlarin 2 inches dan zela dah thliah thliah tur a ni a, Bawngek leitha leh Balu lei pan taka khuh leh tur a ni. Nisa leh ruahsur veng turin a chung feet 4 vel a sangin zar tur a ni bawk. Tha taka a tiah theih nan uluk taka tui leih ngun tur a ni.

h)Thlai tiak phunsawn : Brocoli tiakte chu 3 inches a sang an nih veleh phunsawn a hun a, chu chu kui atanga kar 4-6 vel a ni thin a, hnah 2-4 vel an nei hman thin. Khur siamah thlai tiak phunsawn tur an ni a. Phun hma chawlhkar khat velah chuan peih vek tur a ni.

i)A inkar hlat zawng: Tlar tha tak siamin 11/2 feet danah a tlarah kan phun tur a ni. Tlar leh tlar inkar hi 2 feet a ni thung tur a ni. (11/2×2 feet).

j)Tui pek: Phun hlimah tui tlem pek tur a ni. Leihnawng leh khaw awmdan a zir a tui pek ngun tur a ni. Brocoli chawr hi lei hnawng tha-ah chuan an chawm lian bik a ni.

k) Enkawl zui : A hmun tihfai pahin tlemin rihvur zel bawk tur a ni.

l) Venhimna : Thlaite natna leh rannung ten an beih chuan damdawi hmangte a tihdam leh thuai tur a ni.

m) A seng : Ni 70-90 velah chuan a seng a lo hun a.a kuhmum bawr inhlawm khawm that lai takah a seng hun a niin a hrin that lai taka seng tur a ni. Chung a chawr bawrno atanga 10- -12 cm vel a zu zai bun hmak tur a ni.

n) A thar zat : Tui thatna leh enkawl thatna-ah chuan 100-150 qtls. hacater khatah pawh a thar thei a ni. A tlangpuiah chuan kung khatah 500 gms (l /2 Kg) a awm thei.

o) A chawtha paite : Brocoli 1 grams ah hian chaw tha pawimawh a hnuaia tarlan ang hi a pai a ni.

1) Protein	4.7 gm
2)Fat	0.5 gm
3)Carbohydrates	8.7 gm
4)Water	5.6 gm
5)Fibre	84.8 gm
6)Vitamin A	400 IU
7)Vitamin C	100 mg
8)Vitamin B	42 mg
9)Vitamin E	2.3 mg
10)Potassium	450 mg
11.)Calcium	29 mg
12)Magnesium	20 mg
13)Iron	1.3 mg
14)Phosphorous	78 mg
15)Sulphur	78 mg
16)Chlorine	40 gm

Source : Thlasik thlai chin dan

Agriculture Extension Series 33/2007

Department of Agriculture (Crop Husbandry)

Page 17-19