Carrot (Bul eng)

A hming:

Mizo           - Bul eng

English       - Carrot

Hindi           - Gajar

Botanical name     - Daucas carrota L.

2.A tangkainate : A zung bawk hi chawhmeh tha tak a ni a. Zun lam dik lo leh mitliam tante a tha hle. A rah hi kawthalo damdawi a ni. Carrot hian vun a ti mam nalha sawi a ni bawk. Tin a dahin nakin deuha eiah a vawn that theih. A rah hi kawthalo damdawi a ni. Naute chaw dip siam nante an hmang bawk.

Gram 100 zelah a chaw tha paite chu :

1) Water	88.6 gm
2) Protein	1.1 gm
3)Fat	0.2 gm
4)Carbohydrates	9.1 gm
5)Fibre	1.0 gm.
6)Vitamin A	12,000 IU
7)Vitamin B2	0.06 mg
8)Vitamin B1	0.01 mg
9)Vitamin B	69.12 mg.
10) Blotin	0.003 mg
11)Folic Acid	0.008 gm
12)Vitamin R	311 gm
13.)Calcium	32 gm
14)Magnesium	21 mg
15)Iron	0.8 mg
16)Sulphur	21 mg
17)Phosphorus	21 mg
18)Chlorine	40 mg
19)Nicotinic Acid	0.5 mg
20)Vitamin C	2.10 mg
21)Vitamin E	0.45 mg

Caratene:

(Flesh) 5.86 - 9.1 mg

(Core) 3.07 - 6.90 mg

3. Sik Ieh sa : Khawvawta chin chi a ni a, khawlum pawisa lo chi te pawh an awm tho a. Temparature 65℉ -75 ℉ ah a thang duh ber. Khawlumah a bul a tawi a, khawvawtah a sei duh deuh. A bul lian tha turin lei a hnawng tawk reng tur a ni. Khawro zawh a ruah sur thut tui pek vak emaw chuan a bul a khi duh bawk.

A bul sen tha turin a kungin ni eng tam tawk a hmu tur a ni. A bul leiin a khuh lova ni em theihna a a awm erawh chuan a hring hlauh thung.

4. Lei duh zawngte : Lei inthul hma, chhah tawk, lei thaw deuhah a tak duh. Lei thur nasa (High acidity) a ngai thei lo.

5.Leitha leh leichi (Manure & fertilizer) : Bawngek leitha 10-15 tonnes hi hectare khata hman tawk a ni. Tin a hnuaia fertiizer te hi hman tel tur an ni bawk.

Thlai Chaw	Mamawh zat	Form	Fertilizer	Mamawh zat
	Kg/Ha		Kg/Ha	Kg/Ha
N	60	Urea	80	32
P2O5	60	DAP	130	52
K2O	90	MOP	150	60

Heng Urea, DAP leh MOP te hi thlai chin hmaa lei a lo leh hman hmasak tur a ni.

Source : Thlasik thlai chin dan

Agriculture Extension Series 33/2007

Department of Agriculture (Crop Husbandry)

Page 25-27

6. A chi hrang hrangte: Raddish ang bawk hian Indian leh European varieties an awm a, India varieties te chu a dum a, a sen leh a engte an awm a, hnah an nghahin an chin hma theih deuh zawk. Europen varieties chu serthlum rawng an ni ber.

An chin lar deuhte chu :

Indian Pusa Kesar

European Early Nantes, Purple Long, Chantney, Oxheart, Golden heart, Tendersweet, Half-long.

7. A chin dan : Lei cheh dipah, bial hrang hrang 4'x8' emaw a siamin, a chi chu a khat tawka rual taka a to theih nan leidip nen theh tur a ni. A chhin thirfian te khat leh lei dip vei khat hi an in pawlh tawk a ni. Tin, thlur ft 1 ½ danah siamin leidip nen phulin a chin theih bawk. A chi pil tawkin leidipa khuh leh zel a tha.

8. A chin hun : August- November.

9. A chi mamawh zat: 7-9 kh. hectare khat ah a tawk.

10. Enkawl zui dan :A chi chu ni 8-10 velah a to a. A lo len deuhah suat thawl tur a ni a, a chi a zirin inches 4-6 a inhlatin zuah tur a ni. Tin, a bul lang lo turin rih vur zel tur a ni bawk. Tin, lei tihnawng tawk chauhvin tui pek fo tur a ni.

11. Seng hun : A par chhuahna tur a lo chawr chhuah hma chiah hi seng hun a ni. Seng dawnah tui pekin pawhphawi a tiawlsam bawk.

12. Tharzat : hectare hmunah qtls 150-300 vel a thar thei.

13. A chi lakdan: A chi lakna atan i zuah hunin, a bul bawk lian tha zuah la, a lo chawr dawng chho luah ang a. A zar peng hmun thuma thena hmun khat kuhmum hmain hlep la, a chi fang a siam pum thain a chi a hrisel bik bawk. A chi lakna tur chu September a ral hma ngei a chin loh chuan a chi chan hmain furin a nang a, vawn him tawk a harsa thin.

         A chi a chan hunah ro tawk takin nisa-ah pho a, chi telh tur a ni.

Source : Thlasik thlai chin dan

Agriculture Extension Series 33/2007

Department of Agriculture (Crop Husbandry)

Page 25-27