Editor

Dr. O. P. Singh

Director of Agriculture

(Drop Husbandry &

Minor Irrigation)

Joint Editors

H. Thankhuma

Dy. Director of Agriculture

(Extension)

R. Zoramthanga

AAIO

Directorate of Agriculture

Cir. Manager

Lalchhanliana

S.D.A.E

Zoram Loneitu-a

thu chhuah duh nei

emaw, lehkha thawn

duh emaw chuan a

hnuaia Address-ah

thawn tur a ni.

Editor

ZORAM LONEITU

P.O. Box – 098

Dte. of Agriculture,

Mizoram : Aizawl.

Pin - 796001

CONTENT

ZORAM LONEITU 2003

1. Editorial ……………………………………………..……………………….……..

2. Lehkhathawn …………………………………….…………………………...….

1. Lalthangchhuana, Chawngtlai Vengpui

2. YMA Sihphir Vengthar Branch

3. Leilung kalphung hrula thlai ven dan..………………...…………..

(Ecological Pest Management)

- James Lalsiamliana, APPO

4. Damchhung Ni chhiar dan Know ………………………………………

- Rev. C.Rosiama

5. International Training Course on

Biofertilizer at P.R. China…………………………………………………

- Zampuii & Mamuani

6. Kum 1959 Mautam ka hriat dan………………………………………….

- H.T. Darbuka AEO

7. DDT Vrs Agriculture.. ………………………………….……….…………….

- By.H.Joela. S.O-cum S.A

8. Organic Farming Policy leh

Durtlang/ sihphir khua te……………………………………………..

- Dr.Zokhuma (Vety)Rtd.

9. Thal laia Leilet sawngbawl dan….. ...............................................

- R.Zoramthanga,AAIO

10. Ngenna …………………………………………………… ………………………

11. Hnam Zahawm nan Eibara Intodelh……………………………………

- C.Lalzarliana ,Jt.Director Of Agriculture

i/c Project Director, MIPEA

12. Possibilities of Groundnut Cultivation in Mizoram……………….

- Kamta Prasad, K.A. Pathak, Brajendra,

A.K. Viswakaram

13. KEIMAHNI …………………………………………………………….……………

Editorial

A hmasa berin Zoram Loneitu chhiartu zawng zawngte Kumthar (2005) Chibai

kan buk che u a, in hnathawh chhoh zelna turah malsawmna indawn theihna tur leh

hlawhtlinna tha inneih theihna turin duhsakna kan hlan bawk a che u.

Aw le, Kumthar (2005) ah hian Zoram a loneitute’n Mizoram ei leh bar a kan lo

intodelh theihna turin tan kan lak uar sauh sauh a tul dawn a ni. Mizo te hi hnam

inlungrual leh tangtlang tha tak kan ni a, kan tihhlawhtlin duh zawng chu sual donaah

te, ram leh khawtlang siam that naah te hian kan tihlawhtling zel thin a ni.

Kan hunpui pawimawh tak mai Christmas 2004 leh Kumthar 2005 kan hman

zawh takah pawh khan ram pum huap tangrual – Sawrkar(Police) te, Y.M.A te, V.D.P te

V.C te leh N.G.O dangte tan lakna avangin boruak muanawm tak hnuai a tha takin heng

hunpui kan neih hi kan lo hmang zo thei ta mai a nih hi. N.G.O’s leh Kohhran hote

sukthlekna lam apiangah hian kan lo hlawhtling zel tawh thin reng a.

Hetiang anga kal, hnam inlungrual tak kan nih avang hian Mizoram hi ei leh

barah kan lo intodelh ve thuai theihna turin Kohhran leh N.G.O’s te hian mawhphurhna

lian tak kan nei a ni tih hi hre thar leh zualin, Sawrkar tanpuina nen tan la thar uar zel

ila. Kan ram a kohhran lian ber- Mizoram Presbyterian Church Synod pawhin 1992

atanga Mizoram ei leh bara a lo intodelh theih nan a an hmalak chhunzawm mek tih

hlawhtlin leh zual theihna turin, “Ei leh bar a intodelh hi thil pawimawh tak a nih

avangin tan lak zel tha in kan hria a, Synod Executive Committee in lo bawhzui rawh

se,” tiin nikum 2004 Synod vawi 80 na ah khan an lo pass leh tawh bawk a, Kohhran

pawl hrang hrangte pawhin hma an la mek reng bawk a ni.

Mizoram ei leh bara kan lo intodelhna tur hian Kohhran ho zawng zawng,

N.G,O’s- Y.M.A, M.H.I.P, M.U.P etc. te hian inlungrual takin tan la chho ho ila, Loneitute

pawhin taimak chhuah leh zualin tan la thar uar sauh sauh bawk ang u. Chutiang

bawkin Zoram ei leh bara kan lo intodelh theihna tura thawktu Department-

Agriculture a thawktu zawng zawngte pawh hian Kohhran –N.G.O, Loneitute hi tan

rualpui thiam tura inbuatsaih tharin, nasa zawk a tan lak thar theuh hi kan tih tur a ni

ang.

Inlungrual tak leh pheikhai rual taka tan ho tlan a nih ngat chuan Zoram hi ei leh

barah kan lo intodelh anga, hnam zahawm, chanchin tha hril darh zel tu hnam

hmingthang kan lo ni ngei dawn a ni.

ZORAM LONEITU

To ,

The Editor,

Zoram Loneitu,

P.O Box-098

Directorate Of Agriculture

Mizoram, Aizawl Pin-796001

Subj : Chanchinbu thawn ve tura ngenna

Ka pu,

I chanchinbu ‘ Zoram Loneitu’ hi mi ta ka lo chhiar ve thin a, a thu a tha

theiin , keini loneitu tan chuan Chanchinbu tangkai tak a ni.

Chuvangin, I chanchinbu hi a chhuah apiangin min rawn thawn ve turin ka ngen

a che . Min rawn thawn thin chuan ka lawm hle ang.

I rintlak.

Sd/-LALTHANGCHHUANA

Chawngtlai Vengpui

Mizoram -796310

To ,

The Hon’ble Minister

Agriculture & Horticulture Department etc.

Govt. of Mizoram

Aizawl, Mizoram

Subj : Lawmthu sawina.

Ka pu,

Sihphir Vengthar Y.M.A hmingin chibai kan buk a che.

Sihphir Vengthar mipuite tana pawimawh leh tul em em ‘Organic Farming’

chungchangah I hona leh I ruahmannain ‘Awareness Campaign’ kan lo nei thei ta a, tin,

kan senso phuhruk nan leh pawisa kan beisei phak loh in Rs.10,000/-(Singkhat) lai

min pe bawk a, hetiang a, hun tha tak leh kan eizawnna atan pawimawh tak min hrilh

leh hmanpui avangin I chungah leh I thawhpui Department hotute chungah lawmthu

kan sawi a ni. Kan lawmthu sawina hi min lo hriatsak kan duhin hmuh sak ngei kan

beisei e.

Tin, Awareness Campaign aia puitling zawkin Training tak takin hun neih kan

duh hle mai, min la tih sak leh theih chuan kan lawm hle ang.

I rintlak.

Sd/-PC.HUNTHARNGHAKA Sd/-ALBERT KC LALVULLIANA

Secretary President

Young Mizo Association

Sihphir Vengthar Branch

LEILUNG KALPHUNG HRULA THLAI VEN DAN

(ECOLOGICAL PEST MANAGEMENT)

James Lalsiamliana, Asst.Plant Protection Officer,

Dte.of Agriculture ,Aizawl

Thlai hian hmelma chi hrang hrang an nei a. Chung an hmelma te zingah chuan

thlai eichhetu rannungte, natna chi hrang hrangte leh hlo chi hrang hrangte hi a lar ber

te chu an ni. Heng thlai hmelma te lakah hian thlai te chu chemical

pesticides(damdawi/tur) hmangin ven an ni thin a. Amaherawhchu, heng damdawi leh

tur te hian nungcha leh leilung tan chhiatna an thlen theih avangin, leilung kalphung

hrul a thlai ven hi thil tul a lo ni ta a ni.

Leilung kalphung hrula thlai ven chuan a tum chu, thlai hmelma te va do let

lampang aimahin lo inven lawk hi a kawk zawk a. Leilung a lo cheng sa, thlai tan a

thiantha-rannung tangkai tak takte leh thilnung te tak te te, mitlawng a hmuh tham loh

ho hman tangkai hi a tum a ni . Tin, hei mai bakah, thlai enkawl dan uluk a, thlai

hmelma chi hrang hrang te hnathawk theilo a siam hi a tum a ni.

Leilung kalphung hrula thlai ven dan chu hengte hi an ni.

CULTURAL CONTROL: Cultural Control hian thlai hmelma te chenna leh an

khawsakna va tihchhiat a, an inthlahchhawnna kawng tih buai sak leh anmahni chaw

atana ringtu, an hmelmate vulh len hi a tum a ni a. Hemi kawng a tihdan kalphung chi

hrang hrang te chu hengte hi an ni.

1. Chet thianghlim(Sanitation):

- Huan leh thlawhlai hrul a hnim te chu rannung leh natna hri ten inthlahpun nan leh

tawmim nan an hman thin avangin samfai thin tur a ni.

- Thlai hrisello te chu thenfai thin tur a ni a, theikung zar hrisello te pawh sahthlak

a,halral thin tur a ni.

- Natna hri leh rannung tui te tih darh an nih lohna turin thlai chi te, thlai tiak

phunsawn tur te, hmanrua chi hrang hrang te, chawtha hman tur te leh thlai tui pek tur

te chu a thianghlimin a hrisel tha tur a ni.

- Rannung tui leh rannung te chu vaikhawm a halral thin tur a ni.

ZORAM LONEITU

- Tui kawng enkawl uluk a, hnim awm te pawh thenfai fo thin tur.

- Rampawn atang a thlai chi leh a tiak phun tur lakluh te chu an hrisel leh hrisel loh

uluk taka endik nan sawrkar dan lek kawh.

2. Lei lehphut(Tillage)

- Thlai chi thlak hmaa uluk taka lei lehphut hian hlo tam tak a tiziaawm thei.

- Nipui laia hneh taka lei lehphut hian, hnim/hlo zung te, rannung tui te leh natna hri,

lei chhunga inphumte chu nisa hmangin a tihlum thei a. Thil tangkai em em a ni.

3. Bawngek leh hnim leitha hman(Application of Manures and Soil Amendments)

- Hnim leh Bawngek leithate hian leilung hi an siam thain, hnawm pai theihnate leh

boruak lut leh chhuak te veng thain, thlai tan chawtha an siam thin. Thlai an hrisel

chuan anmahni tichhetute do letna kawngah an chak thin a ni.

-Favaite, Buh pawlte leh ranek leitha te leilung a thehdarh hian, thlai-

rulhut(nematodes) inthlah pung tur a veng thei a ni.

- Hnim leh bawngek leitha hman hi thlai leh hloin an thatpui rual rualin, hlo aiin thlaite

hian an hlawkpui zawk thin.

- Hnim leh bawngek leitha hmin tha takah hian natna hri leh hlo chi inphum te chu tam

tak an thi thin.

4. Thlai chin dan kalphung siksawi(habitat diversification)-

Thlai chin dan kalphung thlak danglam hian tangkaina tam tak a nei thei a, chung

tangkaina te chu lo sawi dawn ila-

 Thlai chin thlak kual(Crop rotation):- Rannung leh natna hrite leh hlo te

hian tan duh bik leh bawm duh bik thlai an nei hrang ve thliah thin. Hei vang

hian, thlai chi ngai ngawr ngawr, hmun ngaia kan chin reng chuan heng an

hmelma te hian kumtin lo pun belh zelin , a kum telin harsatna a pung chho thei

thin a ni.

Hei vang hian, leilet a buh chin zawhah zikhlum emaw, kawm nei thlai

emaw, hriak pai thlai emaw chin chhunzawm a tha.

Thlai chin thlak kual hian lei chhunga cheng rannung leh natna hri mai

bakah hlo thlengin a tiziaawm thin a. Tin, kum 2-3 chhung buh hmuna thlai chi

dang chin hian buh natna hri, leichhunga khawsa a inthlahpung thin a tirem thei

a ni.

 Tawktarh thlai(Trap Cropping):- Rannung leh thlai – rulhut bakah , hnim

thenkhat bawm atan a tawktarh thlai tlem chin hi kalphung chikhat a ni bawk

a. Heng thlaite hi halral leh mai thin an ni.

 Thlai chin pawlh(Inter cropping): Thlai leh thlai inkar hmun awl a hlo to

tur ven nan a thlai chi dang chin pawh hi thil tangkai tak pakhat a ni. Thlai hnah

buk chi leh buk lo chi te hi chin pawlh an ni ber thin a. Tin, thlai to chak chi te

pawh hian hlo lo pung ve tur te chu a dip dal ve thei bawk a ni.

Hlo ven nan mai bakah , kawm nei thlai leh vaimim chin pawlh hian anmahni

ei chhetu rannung tam tak an rem theih phah bawk a. Tin, spinach te, beans te,

tomato te leh zikhlum chin pawlh hian rannung tam tak an rem thei bawk. Behliang

leh antam chin pawlh pawh a tha.

5. Thlai chi thlak hun (Time of Planting):-

Thlai chi thlak hun a zir hian rannung leh natna hri tam tak a pumpelh theih a ni.

Vaimim chin tlai hian a kung khertu pangang lakah an him tlangpui a, tin, thlasik

vaimim pawh hi a khertu pangang an tawm bo hun lai a nih avangin , hemi rannung

lakah hian an him chawk bawk. Buh pawh June thla tir lama phun sawn hian a kung

hreuhtu pangang lakah an ziaawm .

Mahse, kan hriat atana pawimawh pakhat chu, thlai chin hun pangngai aia tlai a

chin hian, a thar lamah a tlem phah thei a ni.

6. Thlai tui pek( Water Management)-

Thlai tui kan pek dan a zir hian an natna thenkhat te chu a ven theih a. Entirnan,

thlai kung leh tui a inchiah piah avang a natna chikhat, thlai lawng natna ang chi te hi,

thlai kan chinna lei chu kan tih pawn chuan, hemi natna lakah hian thlaite chu an him

thei a ni.

Amaherawhchu, buh hi tui nena inchiahpiah haw lo an ni a. Chuvang chuan leilet

buh pawh hi tui nen a a inchiah avangin hlo te pawh thlawh a ngai lo thung a ni.

PHYSICAL AND MECHANICAL CONTROL :

1. Tha hmanga thlai enkawl (Manual Control)- Mihring tha hmanga hlo thlawh

hi a hautak tih mai loah chuan hlo suatna tangkai ber pawl a ni.

Hetiang bawk hian, rannung tui leh pangang zawn khawm a tihhlum/halral

te, rannung lut thei lo tur a pal leh a hungna siam te hi tih dan phung tha tak an ni.

2. Mei hal (Burning):- Mei hmanga hnim leh thlai sengna kuang bang hal ral

hi thil tha tak a ni a. Buh sengna hnu halral hian buh kung beitu rannung tam tak

leh natna hri chambang te tih remna tha tak pakhat a ni.

Tin, huan leh lo hmun remchang laiah, thim hlim a mei chheh hian, rannung

tam tak an rawn inrawhhlum thin a, hei hi thil tangkai tak a ni bawk.

3. Lei up lum( Solarisation) -: Lei up lum hian natna hrite, rannung te, thlai –

rulhut te leh hlo chi tam tak a tihhlum theih bawk a. Hemi atan hian Polythene

hman thin a ni . A up hun chhung hi ni 30 atanga ni 40 inkar a ni ber.

Hetia up hma hian lei chu leih huh in hlo chi tam tak an thi awlsam bik a.

Amaherawhchu, hlo chi, thuk tak a inphum chu an thi ve mai lo thung. Tin, a senso

hi a tam deuh avangin thlai chi kui tiahna hmunah te leh thlai hlu deuh deuh chinna

hmunah te hman a ni deuh ber.

4. Tui khung (Flooding):- Hmun remchangah te chuan, huan a tui khung hian

natna hri thenkhatte chu a tih hlum theih bawk a. Tin, leilet buh hmun, tui tlinna

hmunah te chuan tui tling avang hian hlo tam tak chu khawsa theilo a siam an ni

bawk a ni.

Balhla vuai natna (Banana wilt) te pawh hlawhtling taka enkawl an lo ni tawh

thinin, thlai-rulhut thenkhatte pawh a ven theih bawk a ni.

BIOLOGICAL CONTROL :

Thil nung vek hmanga thlai ven hi thil tangkai tak a ni a, Heng thilnung thenkhat

tangkai, Mit lawng a hmuh theihloh te leh, rannung tangkai, thlai venna atana hman

thin te bakah, thlai leh thing thenkhat atanga lakchhuah damdawi te hi Bio-

Pesticides/Bio-agents ti a vuah an ni.

1. Bio-Pesticides Chi hrang hrang zingah hian fungi(hmuar) te, bacteria(pan-hri)

te leh Virus tangkai tak tak te an awm a. viz,,Trichoderma viridae. Bacillus

thuringiensis(Bt) NPV (Nuclear Polyhedrosis Virus) etc. Heng ho hi an te em em

mai a, Mitlawnga hmuh theih an ni lo. Heng hian thlai natna hriah te leh thlai

tichhetu rannungah te hian hri leh natna pu darh ve in, thlai leh mihringte leh

nungcha tan a pawi silo in hna an thawk ve thin a ni. Heng Bio-pesticides te hi

hman mai theih tur a zawrh chhuah an ni.

2. Rannung tangkai (Bio agents) te hi hmun hran atanga chawkluh thin a ni ber a,

mahse hetia chaw lut kher lo pawh hian, huan leh leilet hmun a lo awm sa

rannung tangkai te pawh zuaha hman tangkai an ni bawk thin.

Buh leh leilet hmuna rannung tangkai te chu Maimawm chi hrang hrang te,

tuia cheng rannung tam tak te leh sephung thenkhat te bakah, khauchher te hi anni

a. Tin, mit lawng a hmuh mai theih loh rannung leh hrik chi hrang tam tak te pawh

an awm bawk a ni.

Huan hmun nghetah te pawh rannung tangkai hi awm ve zelin, saihmarthur

te leh kan han sawi tak maimawm chi hrang hrang te pawh kha thlai vengtu, thlai

eichhetu rannung te lo vai ve a chaw atana lo ringtu te an ni a. Utawk te leh rul chi

hrang hrang te pawh hi Agriculture thlirna atang chuan rannung tangkai an ni vek a

ni.

DAMCHHUNG NI CHHIAR DAN

-Rev. C.Rosiama-

Kan damchhung nite chhiar dan tur min zirtir ang che.

Finna thinlung kan neih phah hialna turin(Ps. 90:12)

Sam 90-na hi hun hnuaia leng mihringin hun vawngtu Pathian a dawrna thu a ni.

Hun hi Pathian kutah a awm a. Hun pumpui chu chatuan a ni. Chatuan them chu

mihringin kan lo chang ve a, chu chu kan damchhung ni kan tih chu a ni. Kan

damchhung nite chhut nan chuan kum, thla, chawlhkar, ni, darkar, minit leh sekhawn

te kan hmang a. Chumi mil chuan kan khawsak kan rel a, kan program te kan siam a.

Chung kan hun tawite kan hman dan chu kan nun hlut leh hlut loh teh nan kan hmang

ta thin a ni.

Kan lei nun hi chatuan chhungah hian simeikhu iangin a lo lang zawk a, a rei ber

pawh chatuan atanga teh chuan mit khap kar pawh tling lo ang lek a ni. Chumi kan

damchhung hun tawite kan hman dan chuan chatuana kan awm dan tur a hril theih si

avangin a hman dan tha hria chu Sam ziaktu chuan fingah a ngai a. “Kan damchhung

nite chhiar dan tur min zirtir ang che , finna thinglung kan neih phah hialna turin” tih

pawh hi Bible lehlin tharah chuan “Kan damchhung ni tlemzia min zirtir la, kan fing

deuh sawt mahna” tiin a dah a, a awmzia hriatthiam a awl leh zual.

Damchhung ni chhiar dan tha ber chu Pathian rawngbawl nana hman hi a

ni. Pathian pawh ngaihsak hman lova buai lutuka insawi thinte hian hun hman kan

thiam hlawl lo tihna a ni. Hun hi hman buai tham pawh kan nei lo tih hriain kan hman

dan tur rel fel ila. Hun hmang buai ho hian awmze nei lo leh tangkai lova hun khawhral

kan ngah vanga buai mai mai kan ni zawk. Lord Chesterfield-a chuan , “Zingah darkar

khat I hloh chuan zawn hmuh leh tumin I buai nileng ta mai thin a ni” a ti. Minute khat

pawh Pathian tellovin awm tum duh suh, hun zawng zawng hi ama ta a ni a, chumi

chhungah chuan engemawti chhung atan a awmtir ve mai che a ni si a.

Mitin hian nitinin tha kan tih zawng kan buaipui theuhva, Tha kan tih dan

apiang hi a tha tak tak vek chu a ni si lo. Hun hmang hlawka inngai, hmang thiamlo

berte zinga pakhat chu chin tawk nei lek lova sum umtute hi an ni. Sum hi thupui

bera kan neih chuan sum chu kan nei mai ang. Mahse thil dang, sumin a lei theih loh

thil, kan hloh ngei ngei ang. Kan nunah sum aia hlu a awm tawh loh chinah chuan

Pathian kan tih tawh lovang a, mihring kan pawisa tawh hek lovang a, nunna pawh kan

ngaihlu seng tawh lovang. Bible chuan, ”Tangka sum ngainat hi sual tinreng bul a ni.” a

ti reng a. Sum lama duham luatna hi tunah chuan ringtu leh rawngbawltute thlemna

tawh nasat pawl tak a ni awm e. Dik taka sawi chuan mirethei kan koham a, mi hausa

pawh an pamham ve tho.

Damchhung ni chhiar hlawk tumtute zinga awmpui hahthlak berte chu

thuneih duh lutuk ho hi kan ni. Chutiang mite zepui chu lar duhna hi a ni. Hotu nih

inchuhnate, dinhmun khelhte hi kan uar sawt hle a ni. Thuneihna chan theihna tur a

nih dawn phawt chuan mi tlawnte, thamna pek te, se sea thu lak leh inlei, inphiar,

tharum thawha inbeih thlengin kan ti hreh lo fo. Chutiangho chu mizingah engtin tin

emaw chuan kan intar lang thuaia, belhchian erawh kan dawl hlei lo.

Kan khawvel hun tawite tinuam lotute chu mi firfiak leh mi hleihluakte hi

an ni. Tih lam apiang uar deuh chi hi an tih loh zawngah an duh loh hmel hmang tina

tak an ni zel a. Hlim lai ke leng but khawpa hlim nasa chi hi an lungngaih vek veka

buaipui ngai khawpa lungngai hleihluak mi an ni duh a, mi fak hluak hluak chi hi mi rel

leh sawi chhiat bawih bawih hreh lo mi an ni duh a, lawmthu sawi thiam tak hi an

thiam tak an ni duh chawk bawk. Pianthar pawha khu chuk a, midangte sit thu rak pui

vak vak ho hi an dak leh vek vek a kohhran sadai thiat thuak thuak khawpa chau an ni

duh. Hetiang mi hleihluak zia hi a kal thui zel chuan a firfiak zia a ni. Tunlaia khawvelin

a buaipui ber chu a firfiaka che thin ho hi an ni. Mi firfiakho hian an nun tana an

duhthusam chuhin an thih chilh a, nawm lehzual chakin chhiatna rapthlak pui pui an

thlen a, zalen duhin ralti reng rengin tuk leh zan an hmang a, an fuih pawrh theih mi

tlemte te fak derna bak engmah an hlawhchhuak lo. Thuhriltu tih dan takah ,’engmah

lo leh thil lo thlawn mai mai’ a ni.

Mi aia thil intihria, mahni ngaihdan sawhsawn thei reng reng lo khawpa thil

hriat chhun sahuai thing vawn tlut hi mi mawl leh khawhawi zimte zia a nih laiin,

engkimah a sawi hnuhnung sawi a piang khukpui chuk zel lah hi mi pawnlawi lutuk zia

a ni bawk si. Mahni tih a nih loh avanga mi thil tih thatna lai hmuhsak thei ngai lo leh

sawiselna tur ringawt zawnga iak iak chi hi rilru hrisel lo chikhat an ni. hetiang mi hi

hruaitu leh hotu atan hman tlak hauh loh an ni. Thudik sawi duh intih vanga thil hriat

zawng zawng phuh chhuak zel mai mi nih hi thu hmuam theilo mi dahlo nihna mai a ni

a. Mi tana pawi tur bak tangkaina dang nei hauh lo thu sawi sawi ching hi mi kam tam

an ni. A lehlamah dawt ngial ngan sawite, thudik tluantlinglo sawite , rin thu leh

zeldina thubawla thil sawi vak vak te hi mi rinawm lo nihna a ni bawk si. Kan hnamin

kan thiam loh em ema ka hriat ve chu thil reng reng finfiah hmaa puan zar leh

tlangaupui kan chak lutuk thin hi a ni. Hei hi mi aia thil hre ril anga lan kan chak luat

vang a ni awm e. Kan sawi lai la la pawhin miril zawk chuan kan ril loh zia teh nan an lo

hmang hlauh va, an ngaih ang ngeiin kar lovah thudik chu a lo lang leh thuai thin.

Chutichuan, heti hian ngaihtuah ta ila: Pathan tih ila, Kohhran hi Pathian

chhungkua a nih avangin zah takin zawm ila, sawrkar hi kan that tlanna tura siam a

nih avangin a neitu rilru puin pawisa ila, mihring hi Pathian anga siam a nih avangin

mimal zalenna inzah sak bawk ila, mimal zalenna chuan vantlang that tlanna tur dip

chuang lo turin hotu ten min vil tlat sela, ram hmasawn ngai pawimawh hmasa ila,

chumi azarah chuan mimalin hmasawn dan dik tawk taka hma lam pan turin taima

takin tang fat fat ila. Mihring famkim lohna avangin kan nun peng tinah hian fel tawk lo

leh siamthat ngai a awm thei a ni tih hi pawm tlang ila, a siamtha tur pawhin tumah

midangte phena awm tum bik lova mahni hma zawnah theih tawp chhuah theuh ila,

thil pakhat siamthat duh avangin midangte mualphona leh an tuarna tur thlen tum lui

talh lem lo bawk ila. A bakah chuan Pathian a lo chuang zat zat dawn tih hi ring ngam

ila, tichuan kan dam chhung nite chu awmze nei takin kan chhiar chho tawh mai dawn

a ni. Damchhung ni chhiar dan chu Pathian leh midangte leh mahni tana tha rual

tlang thei ang bera nitin nun hman hi a ni . A chhiar tan nan Pathian dah hmasa ber

mai phawt ila, a dang chu a tih dan tur tawk a lo lang chawp zel mai dawn a ni.

INTERNATIONAL TRAINING COURSE ON BIO-FERTILIZER AT P.R.CHINA

-By Zampuii and Mamuani-

Agriculture Minister zahawm tak Pu H.Rammawia hmalakna avangin China ah

Bio-fertilizer chungchang thla hnih chhung kan han zir ve thei a. a ropui takzet a ni.

Khawvel ram hrang hrang sawmhnih(20) atangin trainess mi sawmli panga (45) kan

tel thei a ni.- Vietnam , Indonesia, Malaysia, Phillipines, Pakistan, Sudan, Egypt, Kenya,

Nigeria, Cameroon, Ethiopia, Yemen, Iran, Mongolia. Ghana, Botswana, Korea, Figi,

Nepal leh India atangin kan kal khawm hlawm a ni. Keini pahnih pawh a chunga kan

tarlan angin, he training course hi kan Minister zahawm tak Pu H.Rammawi an Delhi a

zin tumin Chinese Embassy ah hetiang lam Organic Farming kaihhnawih lam training a

awm leh awm loh te ngaihvenin a ma mimal thahnem ngaihnain a lo buaipui a. Tichuan

India State dang pawhin an hriat mang loh chu kan Minister in haichhuakin India ram

pum aiawh turin Mizo pahnih kan tel thei hi a hmalakna a ropui zia leh Agriculture a

hmangaih zia a tilang chiang hlein kan hria.

Tichuan kar hnih vel lek awm tawhah P.R.China, Boarding City ah Bio-Fertilizer

training chu August, 26 atanga October 20 2004 thleng neih a nih dawn thu kan han

hre ta a, chumi a tel thei tura min duhsaktu kan Officer te zawng zawng chungah

pawh lawmthu kan sawi a ni. A bik takin Rev Liandawla. Vice Chairman (MIP), Pu C

Lalzarliana, Project Director (MIP) leh Dr.O.P.Singh , Director Of Agriculture te hming

kan han tarlang duh bik a. Sum leh kan mamawh tur thil tam tak te engmah ui lo leh

hmanhmawh taka tih vek a ngaihna laiah chak taka hma min lakpui avangin an

chungah pawh kan lawm tak zet a ni.

Tichuan August,22,2004 ah Delhi lam panin Aizawl kan chhuahsan a, tluang

takin Delhi Zan dar 8:30 pm ah kan thleng thla a ni. A tuk ni 23 leh 24 August, 2004

nileng in Chinese Embassy, New Delhi ah Visa kan buaipui zawh hnuah thla khat

chhung(ni 30) cham theihna Visa chu ka la fel thei tawk a. Hemi chung changah hian

kan Minister in min buaipui nasa hle a. Tin, Mizoram House, New Delhi a Resident

Commissioner, L.O leh a staff te min buaipuina leh tanpuina zawng zawngah lawmthu

kan sawi seng lo a ni.

China ram Boarding City kan han thleng chu, kan tlangnel ang reng khawp a,

mahni hmel ang hlir kan han hmu a, ekhai kan khua a har bik dawn loh hi kan ti dun a.

Mahse a lo ni awzawng lo mai. Tawng a lo dang tawh si a, an nin sap tawng an thiam

mang lova, keinin Chinese (Mandarin) tawng kan thiam bawk si lova, a buaithlakin

inbiak pawh a har duh khawp mai. Tum khat chu Beijing a kan thlen hlimin Boarding a

kalna tur kan nghah mek laiin , inthiar kan duh a, kan thlenna receptionist hnenah

“toilet” khawnge a awm tia kan zawhna chu min chhang thei ta mai silova. He kan

thlenna hi International Trainees te thlen khawmna chu a ni lawi si. Tichuan lehkha

them leh pencil hi min pe a. Ziak rawh le zaizirin min ti a, “Toilet” tih kan ziah chuan,

English Dictionary a han enkual te te hnu chuan a rawn nui chhuaka min kawhhmuh

thei ta chauh a ni. Dawr vel reng rengah pawh kan mamawh kan lei dawn chuan

zaizirin kan indawr ber a. Entirnan- Screen Lotion kan duh tum pawhin, ni(sun) hi kan

han kawk hmasa phawta, kan hmai kan han tuai a, an hrethiam ve mai bawk a ni. A

buaithlak na lai ber zawk erawh chu, Sa(meal) chi hrang hrang Sabengtung, Varak sa

tih ang reng hi an ei nasa si a, chaw ei dawhkana an sa rawn chhawp hi eng sa ber nge

a hriat mai tawh silova, a changin Ar angin kan han khuanga, a changin beram angin

kan be thul a, chuti lo chuan kan sa hmeh ber pawh hriat a har si a. A hlimawm phian a

nia. Dawr thenkhat a zunin kan han zawng a kan zaizir a, zung tur thut a kan han thute

chu min hmu ve ula , in nuih a za ve fu ang.

Aw le, kan Training na chung changah lo lut dawn tawh ila, kan han zir ber chu

‘Bio Fertilizer Technology’ tih a ni a. Hei Mizoramah pawh Neihbawih Farmah

Rhizobium chu kan siam chhuak ve nual tawh a. China leilung leh kan ram leilung te a

inthlau hle a, an ram leilung hian Potassium a tlachham em em a. Chuvangin an bio-

fertilizer siam chhuah pawh Biological Potassium Fertilizer an siam hnem mai bakah

zirna lamah pawh potassium lam hlir min hrutpui a ni deuh ber. Scientist ten lecture

an rawn pe a, amaherawhchu Chinese tawngin min zirtir deuh ber a, tawnglettu hi

technical mi a ni lem lova, zawhna reng reng pawh direct in Scientist in min chhang

lovin, interpreter kal tlang zelin min chhang a ni. Communist ram a nih avang nge ni

dawn an technology tam tak chu min hrilh hre duh lem lo a. Amaherawhchu an taima

em em a, thil engpawh ti thei tura an insawi chuan an tawngtiam chu an hlen ngei ngei

a ni. Tin, chubakah chuan kan han tarlan duh leh chu Agriculture lam hawizawngin

engmah kan zir lem lo. Ram hrang hrang palai ho pawh sumdawng te, Company a

thawk te an ni hlawm a. Agriculture background nei chu mi tlemte kan nih ang bawkin,

a ram neitu te leh training huaihawt tute pawhin Agriculture an rinchhan lem lova,

sumdawnna lam an hawi tlangpui a, ram hrang hrang te nen in sumdawn tawnna

contract sign lam kha an thil tum ber a nih thu hi ziah tel thain kan hria a, kan han

tarlang tel duh a ni. Chutih rual chuan, Apple Orchard leh Pear Orchard te, Vaimim

biofertilizer hmanga an chinna hmun te min fan pui a, hmuhnawm kan ti tlang khawp

mai. Research an beihna atanga an hmuhchhuah ah chuan thei thlumna(Sugar content)

leh a quality lamah fertilizer hia tangkai hle a ni tih an finfiah thu hi kan hriattlan atan

kan han tarlang tel duh bawk a ni. Tin, an biofertilizer siamna hmunpui leh siam

chhuaktu ber Juwei Company te kan tlawh a, an thil siam chhuah dan te kan zir tel

bawk a ni, Tichuan an biofertilizer sample thenkhat te min hawntir bawk a, hengte

erawh hi chu Mizoram leilung a ngeih tur leh tur loh te research leh experiment te

kan neih hnuah hriatchhuah theih chauh tur a ngaih a ni. Tin, zirna lam bakah

Shanghai leh Bejing te, Suzhou, Hangshou te min fan pui a, Great Wall of China leh

Forbidden City te kan tlawh tel bawk a ni. Heng zawng zawng bakah hian an Chinese

Culture te min hmelhriattir a, Kung-Fu class te kan nei zeuh zeuh bawk a ni.

A tawp berah chuan, mite taimak zia leh an hnathawh a an rinawm zia te kan

hmuhin, hmalakna tur leh zir tur kan ngah hle in ka hria . Pathianin finna min pekte hi

hei aia nasa lehzualin kan ram leh hnam tan hian i chhawr tangkai theuh ang u.

D.D.T Vrs AGRICULTURE

By H.Joela

S.O.Cum-SA

Television hmanga khawvel kan thlir kual vel chuan, thenkhat ten space Age

Vanthengrengah kan ngaihtuahna a leng vel tawh zawk a ni an tih laiin ram thenkhatah

chuan hringei kan tih thin angte, mei la chhem ngailo leh thawmhnaw inber nachang

hrelo te, thingkunga insa a la khawsa hmuh tur an la awm a. Heng hnam mawl –Matiz

Korowai, Pigmy, Bushmen etc. hote hi tluk lohna lian tak kan nei a, chu kan tluk loh na

chu –tur (poison) hmuh chhuah dan a n hria a, an hmelma do nan inven nan leh sapel

nan an hmang nasa hle. Keini chuan thakpui, Vawmbal, Chhimhruk etc. kan hria a ni

mai a. Tuibur hian a ang teuh deuh ber awm e. A engamah hi nun chhiat thei an awm

lo. Heng hnam mawl hote hian Lui leh Khawmualah khawsa thin leh thing zung leh

hnah atangin an la a, an ralthuam neih chhun a ni.

Keini chu kan pi leh pute chenah pawh kan sawi ngailo. Hetiang taka kan

hmelhriat loh avang pawh a ni mahna. Agriculture Department in thlai venna damdawi

kan neih hote hi a hlauhawm dan sawi mah ila, kan bengkhawn lo a, kan rilru a kap

tehchiam lo. A sawngbawl velah pawh kan fimkhur peih loh bakah kan dah fimkhur

vak bawk hek lo. Chutih a hnekin, Sangha hrai nante, sava hrai nante, chakai leh

kaikuang man nan te kan hmang a. Kan ei loh tur atan phei chuan kan pawitilo leh zual

a, timna chhete pawh nei miahlo in kan hmang a nih hi, thingtlang lamah phei chuan nu

leh pa tam tak, hlauhna nei miahlo kan awm a ni tih sawi rik a awm fo thin. Chawp leh

chilha thih pui nghal a nih loh chuan kan ngaih a tha mai thin. DDT hmuh a awlsam lai

kha chuann behlawi hnah DDT rim nam leh a kahna tui luanna hnuhma hmuh tur a

awm fo thin a nih kha. Tun achinah chuan I hlau tawh ang u. Midang eitur a nih avanga

inthlahrung miahloa I hmang a nih phei chuan an tawrhna chu I chungah a rawn let leh

ngei ang tih hria ang che. Thlai venna tur atan hian Agriculture hian tun hma atangin

damdawi hi a hralh chhuak ve nual thin a. Heng zingah hian DDT erawh a telve ngai

lo. BHC erawh chu sawi tur ting chuan Quintal hnih khat chu a tel ve. Hetih lai hian

thosi kap tute atang leh hmun dang atangin thlai chingtuten harsa lo taka hmuh theih a

nih avang leh a thlawna an hmuh thin avangte, thingtlang kil khawr berah pawh neih

theih anih avangte pawh a ni ang. Pesticide dang zawng zawng aiin malkhaiah chuan

kan hman nasat ber a ni tlat mai. Chuvangin DDT hi a chan chin chhui zauna I lo nei

dawn teh ang.

D.D.T CHU ENGE A NIH ? : DDT hi lamtawi a ni a. A lam pum chu Di-chloro Di-

phenyl-Tri-chloroethane a ni a. A siam chhuah hun hi Indopui pahnihna a sehsam lai a

nih avangin indo tawp hnuah chauh khawvel ram dangah thehdarh in a awm chauh a

ni. A siam chhuaktu chu Swiss mi, Dr.Paul Hemaann Muller a a ni a. A hnathawh ropui

tak mai hi Indopui pahnihna in a rawn chhilh zui tak mai avangin Indo reh hnu kum

1948 ah Nobel Prize a dawng ve chauh a ni. Dr.Muller a hian rannung ten antaksa a an

kai atang pawhin DDT hi an thihpui a ni tih a hmuhin mak a ti hle a ni. Thlai kah nana

hman a nihin, a eitu rannung pawhin an thihpui tho bawk si a, a hmang apiangin an fak

em em zel mai. A rim a nat avangin rannungin an bawm tha duhlo a ni tih an hre leh ta

zel a. Bawlhlo siam chhuah tawh zinga la tha ber No-1 ah an dah a ni.

MAURAWKELA KHUANG : DDT chu hman tan phal a nih atangin a hmangtute

apiangin fakna thu an chhak chhuak a. Mihring tana pawilo, rannung chauh in an huat

niin an hria a. Indopui pahnihnain khawvel a tuam a.Natna mak tak tak a rawn awm a.

Hrileng sawi tur a awm fo bawk. Heng hripui leh natna pu darhtu hrik , Uihli leh

rannung dang suat nan an hmang nasa hle a ni. Allied Sipai te chuan, Uihli leh hrikhrah

te, khumfate leh Thosi laka inven nan DDT hi an chawkkawia, an inchulh thin. Natna

chi hrang hrang 60 lai pu darhtu rannung suat nan hman a ni a. Europe khawmualpui

chu indona hmunpui anih avangin hrileng leh rannung an pung chak em em mai a.

Hengho laka inven nan DDT chu an hmang a, Europe khawmualpui khu an phul chhuak

vek a ni ber mai. Hrik –Uihli leh hrikhrah nei hote chu a dipin an inphul paw thur mai

thin a ni. An hman tawhna reng rengah a that em em vek avangin Maurawkela khuang

tlukin an ngaisang a ni. Natna leh hripui- Yellow fever te, typhoid te, saihri te vun natna

chi hrang hrang te leh sikserh natna laka invenna atan hman a ni a. Amaherawhchu,

sikserh (malaria) natna ang ema khawvel pum dapchhuak an awm loh avangin Sikserh

dona atan tluka hman nasat ang hmanna sawi tur a awm lo. W.H.O kaihhruaina

hnuaiah reilote chhungin ram kilkhawr berah pawh hman a lo ni ta a ni.

TUNHMA LAMA HMAN A NIH DAN : Siam chhuah a nih lai leh Indopui a in

man deuhthawh avangin Europe khawmualpui chhunga ram chauhin an hmang rih

a.Indopui atawp atanga reilote ah khawmualpui hrang hrangah hman a ni ta a. Ram

changkang hote, Europe khawmualpui,U.S.A,Canada, Japan leh Australia te chuan

beihpui an thlak a.Mutna pindan te, Kudam te leh Ran in nen lam an kapa. Tui tlin

theihna leh dilah te, chirhdum hmunte chu tuihawk tling nen lam an sah kama, a

powder leh a tuia siamin an kap chhuak vek a ni. Chu mai pawh chu la duhtawk loin an

thlawhlai leh ramngaw leh awihpang hmun khawk rawk laite chu thlawhna hmangin

an kap chhuak vek a ni. U.S.A ah phei chuan thlawhna hmangin a khawpui chu an phuh

chhuak vek bawk. Programme fel tak duangin kum khatah vawihnih aia tlem lo an kap

ziah a.Kum tin 700,000 quintals aia tlemlo an hmang thin. Hetiang taka an beih nasat

avang hian Kum 10(sawm) a liam hnu lawkah chuan heng ram Europe, U.S.A Canada,

Australia leh Japan ram te chu Sikserh umbona ramah puan ngam a lo ni ta. Sikserh

natna chu an ni tan chuan thawnthu ang lek a ni ta a. Malaria damdawi an siam ve ngai

tawh lo. Heng ramte tihdan zul zuiin W.H.O chuan thosi tamna ramah chuan

Programme fel tak nen hmalakna a duang chhuak a, ram rethei deuh te chu tanpuina

nen thuamin sikserh dona hna chu a thawk ta chur chur mai a ni.

A HLAWHTLING EM? : Hlawhtling tehreng mai. Keini India ramah ngei pawh

hian, Kumtin sikserh avanga piansualna leh mihring nuai riat (800,000) aia tlemlo

boralna ram ni thin kha kum 1968 kan chuan chhuah meuh chuan Malaria avanga nun

chan sawitham an awm ta lo. Ram hnufual ram hrang hrang atanga report lakkhawm

reng a ni bawk a. A report danin Asia khawmualpuiah chawhrualin mipui 25% malaria

vei an awmnaah kum 1970 ah chuan mipui 3% vel chauhin malaria an vei a ni.Kum

1970 kan chuang chhuak a, DDT hnathawh bih chianna an han neih atang chuan

mithiamte rinphak bakin a tha a ni tih an hmuh meuh chuan an lawm hle a. National

Academy of Science, U.S.A a an hotupa chuan “Damdawi siam chhuah tawh zawng

zawng zingah DDT tluka mihring nun chhan chhuak hnem an la awm lo, a chhingzo tur

an awm theih pawh ka ring lo. Kan chhut let duh chuan, tuna kan zinga tam tak te hi

chu,DDT hi awm ta lo se , thlanmuala zalh tawh kan ni mai thei asin.DDT avanga la dam

ve hram chau kan ni tih hi ka sawi ngam a, a dik ngei bawk ang tih hun kal tawh

atangin a hriat theih a ni. Amaherawhchu, ‘chawlhni a pangngai reng lo’ tih thin ang

hian, nimin lawka, ‘Thianghlim famkim, hnehtheih loh nun neitu’ hiala an lo au

chhuahpui kha. MAHSE a rawn awm ta tlat mai. Hetiang taka tha ni thin kha, pawnchhe

hnangkhai pawh tluklo ah an rawn sawi leh ta, “A tha lutuk” ti tu te khaan “Ngawi teh u

a tha lutuk kan tih kha a lo tha reng reng hleinem” an rawn ti leh ta.

TUMAH KAN FIHLIM VEK THEI LO : Hetiang taka sikserh do nan hman a nih

lai hian Agriculture ah pawh khap a nih loh avangin ram tinah hman a ni a. DDT hi an

ke emaw an taksa ah a kai pawhin thosi hian an thihpui tho a. An ei leh an kai atang

nilo, thlai an kah ei tu te pawhin an thihpui tho bawk a ni tih an hmuchhuak bawk a.

Kan tana pawikhawih tur erawh chuan a tam tham deuh angai a. Kan khawih leh

sawngbawl veln atang ringawt chuan huat tham kai a har viau ang. Amaherawhchu

kum 1972 a rawn her chhuak a, kum chawhnu lam kan thlen chhoh mek laiin, mithiam

thenkhat te chu an mengphawk ta hru hlawm mai. An men phawkna chhan hi engdang

a ni lo. Hmartawp vur ram savawm, Polar bear taksa ah te, thlai kah eitu rannung ten

an thihpui a, mihring taksa ah te,ramsa khawmuala cheng taksaah te pawh DDT

hmuhtur a awm tih an hmuchhuak a. Chubakah, Sava zinga sa hel ei thin Mu chi ah te

hmuh belh zel a ni a. Hei hian mithiamte ngaih a ti tha thei lova. DDT hi thau(fat)

awmna ah chuan, thauah a awm ziah bawka. A dikna emaw finfiahna chiang kuang tak

sawi tur hre lo mahse, thilnung taksaah a awm phawt chuan engemaw hunah chuan

‘Tawpeng’ a la rawn nei ngei ang tih rinhlelhna lian tak an nei ta a ni. Agriculture

atana hman nasatna ramah chhan leh vang hriat loha ramsa leh sava thi hmuh tur a

awm ta fo mai a. Ramsa zinga chhuanmang hlauhawm te tan boral hlenna a thlen theih

mai an hlauh avangin Nungcha humhalh tu pawl ESPU( Endangered Species Protection

Unit) atangin khap tura nawrna a nasa bawk a. Tichuan, kum 1972 kum tawp atangin

America (USA) ah chuan Agriculture ah kher lo pawh hman an khap bur ta a. Thla hnih

khat hnu lawkah ram changkang hote chuan an hnung rawn zuiin an rawn khap zui ve

ta bawk a. He tih lai hian ramdangah chuan la hman chhunzawm zel a ni tho a.

Nungcha humhalh tu ten tih tawp an duh thu an lo campaign reng bawk a. Keini ramah

pawh Agriculture lama hman a nih pawhin a chi chulh nan chauh phal a ni phawt a.

Ram changkang ten U.N.O ah khap ve tura an nawr nasat em avangin Kum 1990 kan

chuan chhuah meuh chuan khawvel pumah hman phal a ni ta lo.DDT thlaktu atan BHC

(Benzene Hexa-Chloride) siam chhuah a ni a. Hetih lai hian thosi thah rem ringawt a

nih chuan rannung thenkhat ten an tuar ngei ang tih hriatsa a ni a. sikserh hrik pai lo

thosi chauh awm tura rawtna siamte pawh an awm. Ati thei tura ngaih mithiam leh

sum ngah ramah sikserh umbo a lo nih tawh avangin an bengkhawn tha duh tawh silo.

Tichuan BHC hmangin sikserh umbo hna chu chhunzawm zel a ni ta a. Agriculture atan

chuan hnualsuatna tawngkam avangin fel famkim ni thin kha pawnchhe hnangkhai ,

chhuat nawhna atan pawha tlaklo a lo ni ta.

A SAWHKHAWK : Hetiang taka sawi chhetu te hian, Sikserh natna umbo tepa

awm tawh, DDT khap avanga mithiamte rin phak baka nasa in a rawn pung leh dawn a

ni tih lo hre lawk ngat se chuan an sawi chhe lek lo tur. Mihring ve mai an ni miau si a,

dem theih ngawt an ni bik lo ve.

Keini hmun kilkhawr leh India ramah pawh hriat hlawh chang ve ngailo pawhin

kum 1994 kan thlen chhoh chuan Gospel centenary hmang thei kan lo ni ta der

mai.Hetiang kum 100 tlin lawmna(Gospel Centenary) lam ringawtin kan riltu a luah

khat lai leh Iraq in ralthuam hlauhawm a neih te hai chhuah tuma UNO lamte an buai

hle lai hian khawvel pumah kum 2000 a ral hmain sikserh natna umbo tumin W.H.O

mithiam rualten tan an lo la ve sauh sauh reng mai bawk a.Hetih lai hian mithiam

thenkhatte chuan sikserh umbo hna an thawh atanga report rawn lut atangin

ngaihthat lohna an nei a. Kum 1998 kum tir atang chuan ramtinah uluk zawk leh chip

chiar zawkin DDT khap a nih hnu a thil awm dan chhui chian hna tan a ni ta a. Ram

hrang hrang report thehluh an han chhui chian meuh chuan an makti chu an meng fiah

kawk kawk ta mai le. Engdang vang maha meng fiah leh meng phawk an ni lo.DDt khap

bur a nih atanga kum 10 pawh a liam hmain 60% aia tam zawkin sikserh vei an tam a

ni tih hmuhchhuah a ni a. A kum telin a pung chho zel leh nghal a. An zinga fing inti

deuh bik te chuan “Ka tih reng kha…. Ka sawi tantirh lai khan lo bengkhawn ula chuan,

heti zat nunna chan hi kan pumpelh ngei ngei ang” lo ti tawk an awm ngeiin ka ring a

ni. Report rawn lut atanga thil awm dan tlem azawng lo tarlang ila: South America a

Peru ah chuan 1990-1996 inkarah hian 1990 ah mi 140 chauhin nunna an chan a, Kum

1996 ah chuan sing chuangin nunna an chan a ni.South Africa ah chuan mi 8750 in

sikserh an vei a, 44 in nunna an chan a, Kum 1999 ah erawh chuan mi 51000 in an vei

a, 393 in nunna an chan . Indonesia thliarkar pakhatah chuan 1990 ah mi 15 chauhin

nunna an chan a. Kum 1999 ah erawh chuan mi 921 in nunna an chan a ni. A

khawmualpui anga chhutin Latin America ah khuan kum 10 pawh a ral hmain 90% in

sikserh vei an pung chho a ni. Dr.Kevin Baird, U.S. navy a thawk chuan Menoreh

thliarkarah Malaria dinhmun zira a kal tumin, nikhat dawn a vah kual hnuah sikserh

vei 25 chauh a hmu a. A hnu kum 5 a liam hnu (1999) ah a va kal leh chuan, ka

thlentirh phat atangin nitin 70 chuan sikserh vei hmuh tur an awm. Heti taka pung

chak a nih si chuan mipui maktaduai hnih zingah hian kan hriat loh a thi an awm ngei

dawn a ni tih a chiang sa a. Engtia dan beh tur nge ni ang tih hi zawhna khirh tak a ni ta

a. DDT kha khap nilo tase, heng nunna chan ta te hian an chan miahlo ang tih hi hun kal

tawha DDT hnathawh kan hmuh atangin ka sawi ngam a ni.” tiin a thahnem ngaih thu a

sawi a ni.

AGRICULTURE ATANGA KHAP A NI.: DDT hi rannungin an kai atang ringawtin

an thihpui bakah an ei atangin an thihpuia. Thlai kan kah an ei atang pawhin an thi tho

bawk. Tin, a rim hi an ngaih theih loh avangin hnawtbotu tha tak a ni a. Lei leh

thingkunga vak thin leh leia awm hote pawh a rim ngai thei an awm lo a, hawlo an

awm hriat a ni lo.Thlai ten an hip luh eitu pawh an thi tho mai. Thlai chi a nuai pawlh a

nih pawhin thlai taksa(kung) an ei atang pawhin an thi ni a hriat a ni. Hemi bakah hian

a finfiahna tak sawi tur leh tan chhan tur hrelo mahse, ramsa zinga humhalh ngai an

tlan chhar tur a awm ta fo mai a. Hemi den chhen hian ESPU(Endanger Species

Protection Unit) hoten tan chhanah hmangin U.N.O ah an lo zualko cham chi mai si a.

Hmar tawp atanga khawvel chhim tawp thlengin nungcha hrang hrang chhan an nei

tha si a. DDT hi mihring taksa ah pawh hmuh a ni in. Cancer vei hote taksa ah pawh

hmuh zauh chang a awm bawk si a. A tan tira mihring tan pawilo a an ngaih kha sawh

sawnin a awm ta a. Rannungin an huat chuan mihring pawhin kan haw ve ngei tur a ni.

Amaherawhchu, min khawihpawitur erawh chuan tam tham deuh a ngai a. Kan

sawngbawlna atang ringawt chuan kan huat tham kai a harsa, Chuti a nih rualin thlai

hnah leh thei atangin a ei tel theih miau mai si a. Rah tha lo a chhuah hma ngei a lo dan

beh a nihnaah ngaiin Ram changkang hote chu an zualko cham chi ta mai a ni. Kum

1972 tawp lamah America (USA) ah chuan engti hawi zawng pawhin hman khap nghal

a ni a. A kum leh lawkah Europe ramte, Japan, Canada, Australia ten an hnung an rawn

zui nghal a. Heng ho hi UNO ah nasa takin an zualko a.Ram thanglai ah pawh zawi

zawin hmang an tlem tial tial a. India ah pawh thlai chi a nuai pawlh chauh an phal a.

Chu pawh chu an khap leh ta. Khawvel pumah pawh chuan kum 1990 ah khan a tawp

fel ve chauh a ni. A thlak nana BHC pawh chu khap tumna dan an siam leh ta thuai

bawk .

THAHNEMNGAIHNA LEH MANGANG AU AW: Kum 1995 kan thleng

chhova, Millenium (kum sang bi thar ) lawmt turin khawvel ram tinah kawng hrang

hranga inbuatsaih laiin, W.H.O mithiam rual ten report an lakkhwm zirhona an nei a.

Kum nga chhung lek pawhin a let 5 zet a tam a pung tih an hmuhin, DDT hman leh

duhtu an tam a. Mahse an rawt tlang zo chuang lo. Hemi hnu lawk atang hian mimal

thahnem ngai an rawn lawr ta tuam tuam mai a. Dr.Roberts TPH Institute, USA a mi

chuan, “DDT an khapna ram apiangah dan beh huphurhawm khawpa nasain a pung

chaka. Khap duhtu ramah hian thosi an suat hleinem. A result kan hmuh atangin DDT

hi hman leh ngei tur a ni.” a ti a.Dr . Chris Curtis,School of Hygine & Tropical Medicine,

London a mi chuan “DDT hmanga chenna in kan kah avanga chhiatna thleng ta sawi tur

a awm lo. A fin fiahtu mumal a awm loh laia, mi thenkhat ngaihdan atanga khap a ni hi

en nawn ngai a ni” a ti a. Dr. Mary Galinski,Malaria foundation International U.S.A a an

hotu ber chuan, “Kum 20 chhung zet(1950-1970) khan U.S.A ah kumtin quintal

maktaduai 7aia tlemlo an kap a. An naupang ho pawh timna awm miahlo in an kap a.

Vawiin ni thlengin an tuarna thu sawi tur an hre lo. Scientist(zirbing hote) engemaw

zatin an chhuizui pawhin sawi tur an hre chuang lo.” a ti bawk. Hmang leh tura ngentu

an tam tak em avangin kum 2000 tawp lamah chuan an thu chu ngaihtuah nawn ngai

tura tih tih a ni leh ta a ni. Dr.Rajendra Maharaj, Malaria control hotupa ber S.Africa a

mi chuan, “Maktaduai telin nunna an chan ruih ruih lai hian , a dang theitu DDT hi a ni

tih kan hriatreng lai hian, mi tlemte te ngaihdan leh rinthu avang mai a kan lo khap

ngawt mai hi kan tidiklo chhiava a ni” tiin a lo sawi ve bawk a ni.

A RAWN LANG LEH TA : Heti taka hmang leh tura nawrna a nasat avangin kum

2000 tawp dawn khan S.Africa ah sawiho leh tura tih a ni ta a. Khawvel ram hrang

hranga mithiam rual 400 zet chuan hman chhunzawm zel an rem tih nan, a huho in an

hming an sign nen ngenna an thehlut ta ringawt mai a. DDT avanga tawrhna hi lo awm

pawh nise,sikserh avanga nunna chan nen chuan khaikhin chi a ni lo. Mi tlemte

ngaihdan avanga suala dah mai zawng a pamhmai lutuk. Agriculture ah hman khap

mahse, thosi suat nan sikserh do nan erawh chuan phal ngei turin an nawr a ni. A

duhtu an tam em avangin an ngenna hi tih hlawhtlin a nih avangin vawiin niah hian

kan lo hmu thei leh ta a ni e.

DDT CHU A LO HLAUHAWM RENG EM NI?: A chhanna chu – ‘Hlauhawm

tehreng mai’ tih hi a ni. DDT hian bawlhlo hlauhawm siam chhuah tawhte zingah dang

lam taka that bik riau na a nei a. A danglam bikna riau chu hmun thawleng leh nisain a

em theihna hmunah leh hmun ualau tak hmunah duh dah tak leh funna tha lem lo tak a

dah mai mai mah ila, a chakna a hloh ve chuang lova. Damdawi dang a thlak nana an

siam lah chu a let 10 zetin a man a sang si a. Thlai kah nana lo hmang thin tawhte

chuan khap a ni ta mai chu an lawm lo hle a, mahse eng an sawi ngam si lo.

Kan sawi tak ang khan DDT chu an ei atang leh an kai atangin rannungten an

thih pui tih kan hria a. Ram changkang ten an khap hnu hian ram hnufual ah chuan la

hman chhunzawm zel a ni thova. Heng rama chengte taksa ah hmuhtur a awm ta fo

mai a. Natna benvawn chi nei leh cancer a dam lo taksaah hmuh a ni deuh ber mai.

Hengte avang hian khap duh tu te tan hmun a tha hle a. DDT hi zawp ral tur chuan kum

50 aia tlem lo a ngai a. Agriculture ah hman khap nimahse, inven zawh loh chin a awm

theih avangin khap duh hote an tang kawh hle mai. Tuna hmuh tur rawn awm leh ta

avang hian a hlauhawm lo tihna a ni lo. Ram hnufual thang chho mekah sikserh vei an

tam chuan kan tunlai khawvelah kan inkalpawh nasa si a, ram changkang tan pawh kai

mai theihna chance a tam a. Chubakah sikserh avanga nunna tam tak kan chan reng

avangin, thenkhatin DDT hman dik loh avanga nun channa awm thei nen khai khinin,

mi pahnih khat nunna chan chu a tha zawk a ni a an hriat avangin, hreh tak chungin an

remti ve bawk a ni. Chuvangin, kan fimkhur tur a ni a. A hlauhawm dan a la ngai reng a.

Kan hman dik loh chuan tuarna thlen theitu a la ni reng tho a ni tih I hre nawn leh ang

ORGANIC FARMING POLICY LEH DURTLANG/SIHPHIR KHUATE

Dr.Zokhuma (vety)Rtd

Chawnpui, Aizawl

Organic Farming chu Sawrkarin Policy ah hial an lo hmang dawn ta a, kum

sawmthum vel liam ta a Durtlang leh Sihphir khua thil thleng ilo thlir let lawk the ang.

Durtlang khua hi chu kum 1908 lai a din. Agri.Demonstration farm hmasate

pawh tun a midun-hmun an tihah hian an lo awm tawh thin a. An khaw dintu leh Lal ,

M.Buaka pawh sawrkar mi hmasa leh chinchang hria niin, Thei leh Huanthlai chin leh

thar chhuah lamah an lo harh hma hle. Bawng vulh chenin a tihmasa leh a uar hmasa

ber pawl an lo ni a, Bawngek hman tangkai nachang pawh an lo hre hma hle a ni.

Sihphir hi an leilung leh boruakin a lo zir bawk a, Fu-huan siam leh huan thlai

thar chhuah lamah an rawn thang chak hle bawk a. Kum 1940 chho te pawh khan

Aizawl bazar chawmtu pawimawh tak an lo ni phak tawh a. Kum 1954-56 Aizawl

Community Project hun lai te phei kha chuan Agriculture lama hmasawnna ah khaw

chhuanvawr an lo ni phak tawh a ni.

Thingtlang khaw tam berah Bawngek leh vawkek te chu khawlai

tibawlhhlawhtu ber an la nih lai khan, Durtlang leh Sihphir ah chuan Huan thlai,

chawm nan an lo hmang uar tawh hle a, khawlai a Bawngek te pawh an lo inchuh hial

tawh a ni.

Pu H.Hauthuama, 1856-58 laia Aizawl Project hotu (P.E.O) phei chuan Sihphir

pa hovin Bawngek an hlutsak zia a sawi uar hle thin. Mahni inbulah zem an kual

theuhva, khawlai a bawng bawk thin te ek kha an rut khawmin an dah zel thin a.

Bawng mu lai han tihthawh hian an e duh deuh ngei thin a. Chutiangin, thimhlim, zan

mut dawn leh zan lai leh zingah te pa ho hian an ek ruh tumin an nawr tho zing hle thin

a ni ang, Sihphir khawlai ah chuan Bawng ho pawh an mutui hman lo a ni a ti thin.

Khatia Bawngek hman an lo uar chhoh zel khan, khawlai bawngek ngawt chuan

a lo daih ta lova. Bawngkawn Gurkhali ho leh durtlang bawngpu ho hnen atang a leiin,

Bedfort Truck ngei khan an phur chho ta thin a. Lamlian atanga anmahni huan thleng

chuan kovin an thiar ta thin a ni.

Kum 1970-71 chho te kha chuan Sihphir Huan thlai thar chu Aizawl bazar

chawmtu bul ber anni phak tawh a. Bazar hma ni hian private bus an riak chhova,

zingah Bazar bag nen an lo vum thla thur thur thin a ni. Khang hun lai khan Agri.Dept

lam atang chuan Chemical Fertilizer tlem tlem chu hmu thei bawk mahse, rinpui berah

chuan bawngek an la hmang thin a ni.

January 1972 a Mizoram U.T a lo nih chinah Agri.Dept pawhin pawisa a lo

ngah ta a, tun hma a duhkhawp lo tak a Chemical Fertilizer an sem thin an kha

hnianghnar zawkin an lo pe thei ta a ni. Sihphir chu a mamawh ber khua an nih angin,

Agri. Godown te sak sakin, anmahni kawtkai ngeiah duh anga hman tur an lo nei thei ta

a ni. Chutih laia mi thenkhat sawi dan takin, nghawngkawl nen a thawsa-phul-kaia an

phurh thin aikhan chawfun tia lekin a ken theih ta mai ngawt pawh an hahdam hleih ta

hle a ni. Chutiang chuan Chemical Fertilizer ngawt an lo uar chho ta zel a.

Agri.Department in hmun hrang hrang a F.M.C te hnena an semchhuah tam tak pawh

Sihphirah an hralh leh thin.

Tichuan Bawngek harsa taka buaipui ngai ai chuan mi tam ber chu Chemical

fertilizer ah an lo innghat zui ta a ni.

Mahse a hnu rei vak lo, 1975-76 atang chuan huan thlai thar chhuah a lo

tlahniam tan ta a, khawtlang eizawnna(economy) a lo tlu chhe zui ta a ni. Engtia rei

nge khati taka khawtlang economy a lo chhiat tak kha hre thei mai tawh lo mah ila,

Bazar tuk a Bus 3 laiin Bazar bag nen Aizawl an rawn thur thur thin aiah khan thingfal

tel an rawn phur ta thin zawk a nih kha. Khatia khawtlang dinhmun a tlakchhiat bakah

Ramngaw lam pawh khan a lo tuar nasa hman ta ngawt ang.

Agri. Lam mithiamte chuan Leithur ti tha leh tur chuan Chinai-thi tam tawk cheh

pawlhin kum 2/3 dah awl a ngai ang an ti bawk si a, hmabak a dur hman hle mai.

Heng hun thleng hian Sihphir ah Bawngvulhin tlemte chauh an la awm a, A.H &

Vety hnuaia “Cattle Subsidy Scheme” atang pawhin Sihphir chanvo tur kan khek sak ve

thin chungin, an khua Aizawl atanga a hlat deuh vangin a hnute dehral lamah harsatna

tawh an hlauva, an chanai tur pawh an suan mang thin lova, Mahse hetia an lo

tlakchhiat tak hian pa thenkhat office ah lo lengin kan sawi hova, FCM member zawng

leh Bawng neite inkoh khawm a sawiho kan rawt ta a. An A.O(Agri E.O nibawk) hnenah

lehkha ka thawn ta a. Kan Ni ruatah chuan Dr.C.Lianmawia(Chutih laia Selesih

Manager) nen kan han chho ta a, kawmna hun tha tak kan han nei ho ta a ni.

An leilung thur tawh chei that leh nan Bawngvulh nen a tan lak a that ber thu

kan han sawi pui a ni ber a. kal khawmte pawhin an eifuh tlang ta hle a. An A.O/ E.O

berin a tawp a khaikhawmna a siam ah hian a sawi chiang thiam hle mai. “Hei vawiin

kan thu ngaithla tur hian F.M.C leh Bawngvulhtu te mai nilo. Khawnawtin kan lo inpun lo

a a pawi hle mai. Kan dinhmun nia lang ta ber ch Pa pakhat zu eichhiat, thin ro vek tawh,

Durtlang Hospital ah Dr.Ringluaia ten thla thum lai an lo enkawl hnu a lo tha leh ta deuh

khan a chhuah veleh Zu bawk va tlan leh ta sela a daih rei loh dan tur zia ang hian ka

chiang ta in ka hria “ tiin a rawn tlip ta a ni.

Heta tang hian Sihphirah Bawngvulh nen a tan lak duhna a lo piang thar ta a ni.

Chhungkaw 30 lai diltu te zingah mi paruk emaw chu Bawng subsidy pawh kan pe ve

ta nghal bawk. Heta tanga rei vaklovah, Assembly inthlanna ah Brigadier Thenphunga

Sailo chu M.L.A a lo niin, Chief Minister a lo nita bawk a. Chuta a “Bial” Fan hmasak ber

tum chuan. “ Bawng Subsidy” dilna chu, Department tana lu tihai tham a lo lut zui ta

bawk.

Chutiangin kum reilote chhungin ngai an awh mai bakah an lo dingchhuak leh ta

thuai a ni. Heta tang ngawt pawh hian Organic Farming tangkai dan chu kan hre thei

ngei ang.

Tuna Bawngvulh khaw hlawhtling Durtlang, Sihphir leh Lungdai te pawh

huanthlai leh Iskut te nen tangkawp lo se an hlawhtlinna a derthawng thei ang.

Chutiang Zelin Integrated/Composite system te hi uar belh zel ila. Thil in-tangkaipui-

tawn thei chi 3 /4 te pawh tikawp ta ila, kan Farming hlawhtlinna a ngelnghet zel ang

tih ka beisei.

THAL LAIA LEILET SAWNGBAWL DAN

-R. Zoramthanga,

Asst. Agril Information Officer

Directorate of Agriculture

Aizawl, Mizoram

Kan thusawi tur hi ‘THAL LAIA LEILET SAWNGBAWL DAN' tih a ni dawn a ni.

Mizoram Sawrkar chuan, Mizo mipuite thapui chhuahin hma a chak thei ang

berin a la a. Hemi tihlawhtling tur hian kan rama zawl leh awihtlan(Slope) remchang

apiang chu khawl leh mihring thain, hmun siam rem leh leilet(WRC) siam a ni a.

Mizoram sawrkarin sum tam tak senga leilet a siamte hi uluk takin ram neitute hian

enkawl zui ila, tichuan, Mizo mipuite tan ei leh barah kan intodelh nana hmahruaitu a

ni ngei ang.

Leilet WRC hi khawl(Bulldozer,JCB) in hmun rualrem tha lo siam remin bial

tlang siam a ni a. Ram awihtlan(slope) ah te chuan Terrace te siam a ni bawk a.Hemi

siamna lamah hian lei chunglang leitha (Organic matter) paih bovin, lei chhungril lam

kan laichhuak a. Tichuan, kan leilet siam tharah chuan thlai chaw(leitha) a lo tlem a, lei

dur phut serh sawrh ni tawh lovin, lei chhungril leiban leh leikhal a lo ni tlangpui a. He

mi avang hian kan thlai chin tam tak te chu kan beisei aiin a lo thar hlawk lo thin a ni.

He mi sukiang tur hian kan leilet ah leitha(Organic Matter leh Chemical Fertilizer) te

kan hman tam a ngai a. Tin, leilung enkawl danah pawh hian uluk leh fimkhur leh zuala

kan enkawl a ngai a ni.

Enkawl dan tlangpui han sawi ila :

1. LEILET : Kan sawi tawh angin, kan leilet te chu lei chung lang leitha paih

bovin, lei chhungril kan hai chhuaka, heng hi lei ban leh lei khal an ni a.

Chuvangin, thlai ngeih tura lei dur leh lei phut serh sawrh siam tur chuan, leilet

hi thuk tak leh phut serh sawrh a ni tur a ni. Duhthusam chuan Tractor/Power

Tiller hmangin kum hnih chhung tal chu kan ramte chu let thei ila a tha.

2. LEITHA : Leitha han tih hian thlai chaw mai bakah lei taksa, a timur leh

leiin a tui a hipna leh a tui pek chhuahna sawi sak kual a ngai.Hetiang ang a tih

loh chuan thlai chuan chaw awlsam takin a hmu thei lova. Hetiang a nih avang

hian leitha pawimawh zia chu kan hre thei mai awm e. Kan leitha hman lar ber

chu Bawngek leitha (FYM) hi kan ti thei awm e. Leitha(FYM) hi 20-25 tonne ram

hectare khat(tin 2 ½ ) hmunah hman theih nise, lei leh tharah chuan

leitha(FYM) hi a tam a piang hman a tha a ni. Leitha pek danah chuan leilet

zawlah leitha (FYM) chu mawi takin sem darha, chumi hnuah leileh nain leh

hnan leh a, tha taka lei nen chawhpawlh tur a ni. Thlai chin hma thla khat velah

leitha hi lo pek tur a ni.

3. GREEN MANURING : Hei hi lei tih that nan a thlai emaw hnim emaw a la

hrin laia leileh hnan hi a ni. Hetiang hi Mizoramah pawh kan uar chho sauh sauh

a tul dawn a. Organic Farming kan tih hlawhtlinna tur a nih avangin. Hetiang

atan hian thlai thang duang leh leichhe ngam chi- Sunhemp, Dhaincha,

Phillipesara, Moong, Cowpea, Guar, Senji,Khesar leh Berseem etc. te an hmang

ber a. Heng thlaite hi Be kawm nei chi(legumunous) a, an zung hmawr a bawk te

tak te te ah Nitrogen siam thei rannung te tak te( bacteria) a awm avangin, heng

Green Manuring chi hi leilet ah thlai dang chin hma a lei tihthat nan an tha em

em a ni.

Thlai dang kan chin hma in Green Manure kan leh hnante chu a lo tawih

hman tur a ni a. Boruak hnawng leh lumah hian a tawih reng a. Tin, Green manure

no leh hring chu a tawih rang bawk a, Green manure no leh hring lei leh hnan rual

hian buh a phunzui nghal mai theih a ni. Green Manure nen tang duh a Buh leh thlai

dang chin hian a thar a hlawk em em a ni.

4. LIMING : Leilet bel leh khal te, leithurte tihphut a tih rehna atan Chinai(lime)

hi hman a tul thin a.Liming kan tih hian Damdawi Calcium leh Magnesium

inpawlh emaw leithur(Acidity) tireh tura leia pek hi a ni. Chinai(Lime) hi

Fertilizers(NPK) kan hman thinte nen hian a pawimawh dan a inang reng a ni.

Liming(chinai) atan hian Damdawi chi hrang hrang hman a ni a, hman lar deuh

deuhte chu –Ground Limestone te, Burnt lime leh Slaked lime te an ni. Heng

damdawite hi an chak dan pawh a in ang lo a ni.

Chinai(lime) pek pawimawhna te:

1. Chinai hian leithur a tireh.

2. Chinai hian lei a rannung tha(beneficial soil bacteria)a ti tam a, hei hian

leitha a tipung.

3. Chinai hian lei a Phosphorus awm thlaiin an ei mai theih loh chu thlai ei mai

theih turin a siam.

4. Chinai hian leia Potash leh Molybdenum thlai ei mai theih turin a siam.

5. Chinai hrim hrim hian thlai chaw Calcium leh Magnesium a keng tel.

6. Chinai hian lei mur a siam tha.

5. TUIPEK(IRRIGATION) : Tui hi mihring rannung, ramsa leh thlai leh thing mau

te tan nunna bul a ni a, tui tello chuan nunna a awm thei lo a ni. Chuvangin

thlaite hian tui an mamawh em em a, leilet ah hian tui pek dan tur ruahmanna

fel tak neih a ngai a ni. Mizorama loneitute hian buh chauh hi tui pek ngaiah kan

ngai emaw chu aw a tih theih a. Kan thlai chin dangte pawh hian tui hi an

mamawh em em a ni tih hi hre thar leh ila, an mamawh zat erawh chu a dang

thei awm e.

Kan leiletah te hian buh chauh ching lovin thlai dang kan ching uar sauh

sauh tur a ni a. Buh chauh chin nan a leilet kan hman chuan ramhnuai leh Di

hmunah an lo chang zovang a, a kum leh zelah pawh ramthar sual a sual a ngai

mai dawn a ni.

Thal thlai chin nan kan leilet te chu leh phut tur a ni a, Motor chana, Tel

antam, Thal Alu leh Vegetable chi hrang hrang te kan leiletah chuan kan ching

anga, February leh March thla chhungin thal thlaite chu seng fel hman vek tur a

ni. Heng kan thlai chin te hi tui an mamawh tawk kan pe ngei tur a ni.

Sawi tur tam tak a awm thei anga, lo duh tawk dawn tawh mai ila, Thal lai

hian kan leilet te tha tak a sawngbawlin, Zoram mipui mamawh thlai te thar tam

zel I tum ang u.

HNAM ZAHAWM NAN EIBAR A INTODELH

-C.Lalzarliana

Joint Director,Agriculture

i/c Project Director, MIPEA

Hnam fing apiangin ram leh hnam humhalh tulzia an hrechiang thin.

Mordekaia’n Estheri hnena “Juda mi zawng zawng ten an pumpelh loh tur chu Lal inah

chuan I pumpelh dawn bik emaw tih inring suh,” a tih angin kan hnam a him chuan ka

him anga, Kan hnam a zahawm chuan ka zahawm ang a,kan hnam a ropui chuan ka

ropui anga, kan hnam a boral chuan ka boral anga, kan hnam a mualpho chuan ka

mualpho ve ang tih kan hre tur a ni. Israel hote, japan ho te hi an hnamah an chiang hle

a. An hnam dinchhuahna atan an tangruala, an thawkrim a, chuvangin an intodelh a,an

hausa a, ram zimte leh hnam tlemte nimahse an zahawm a, khawvelin a ngaisang a ni.

Sap ho pawh khu ram zimteah cheng mahse an tanrual thiamna leh an hnam tan an

rinawma an taimakna avangin an intodelh a, an hausaknate avangin khawvelin an

ngaisanga an tawng lamin kan ngaisang a ni.

KHAWVEL INRENCHEM NI 30

October hi khawvel pumpuiah,

Kum 1924 atangin inren zirna leh khawl khawm tanna ni a hman a ni

thin a. India ramah phei chuan hemi ni atanga kar hnih chhung hi

SUM KHAWL UAR TANNA HAPTA (Nationaal Savings Forthnight )

atana hman a ni a.

I) Khawlkhawm hi mimal nunphung a nih theih nan

II) Khawlkhawma ram tanpui turin

III) Khawlkhawm ngai loten an khawl tan ni atan

IV) Sorkarin dahthat na a siam te tihlarna ni atana ruat leh

serh a ni a.

Sum leh pai khawl hi mahni intanpuina chauh a ni lova,

mahni ram hmasawnna kawng a tan lakna pawh a ni a. A

chhan chu Post Office (bank) a tangka mipuiin kan dah zawng

zawng hmun za a za (100%) hi Mizoram sorkarin ram

tihhmasawn nan a hmang leh thin avangin ram rawngbawlna

pawh a ni a.

Hemi ni bik kan serh tihhlawhtlinna atan Post Office

(Bank) ah I sum/hlawh/thenkhat tal chu dah tan turin kan

ngen a che

NGENNA

Ram intodelh leh hausa tuman an hmusit thei lova, chimral an ni ngailo. Kut

dawh hnam an huaisen thei lova, ram pachhia an inhumhalh thei lo. Russia chuan

ralthuam nei tha hle mahse, eibara an intodelh loh avangin USA in awlsam takin a

thendarh a, an zahawmna a chuai ta ruai mai.Red Indian ho pawh USA a awm

European hovin Reservation Camp ah a thlawnin an chawm a, an thatna tur emaw an

tih laiin an hnam tan chhiatna bul a lo ni. Tunah chuan Native Tribe tia humhalh bikin

an awm a, an ram ngeiah chimralin an awm a, America kalsiam an tibuai pha tawh lo.

Keini pawh kan harh a hun ta. Kan hnam zahawmna humhimna atan eibara

intodelh a pawimawh a ni.President John.F.Kenedy chuan “America ramin a chhuan

ber tur chu a ram a cheng mipuite rinawmna leh taimakna hi a ni” a ti. America ram

khu Red Indian kuta a awm lai chuan ram rethei a ni. Mahse European ho in an han

luah a, rinawm leh taima taka hna an han thawh chuan hun reilo te chhungin ram

hausa ber a lo ni ta. Israel pawh khu Arab kuta a awm lai chuan thlaler mai a ni. Mahse

Israel hovin an han luaha rinawm leh taima taka hna an thawh chuan ram hausa leh

changkang ber zingah a lo chang ta. Leilung a inphum sa hausakna te hai chhuak tur

hian Pathianin mawhphurhna min pe a ni. Dutch ho chuan , “Pathianin lei leh van a

siam a. Dutch hovin Holland ram kan siam” an ti a, “Mizote hian Mizoram kan siam a

ni” kan ti ve ngam a ngem? Midangte puihna tel lova nung thei lo niin kan la inngai

reng dawn em ni? Kan retheihnaah hian mawh chhiat tur kan zawng reng dawn em ni?

Eibara kan intodelhna atan, a chhunga cheng ten mawh kan phur a ni. Intodelhna atana

thil pawimawh thenkhat han sawi ila:

I.Rinawmna : Intodelhna lungphum pawimawh ber pakhat chu rinawmna

a ni. Europe, America, Japan ho dinchhuahna bul a ni. Mimal tin te hi mahni hnaah

rinawm ila, hotute hmuh loh pawhin, ven loh pawhin Sawrkar puihna tello pawhin

rinawm takin thawk ila hmasawnna chu a zuang zawk ngei ang. Pu Vanlalzawma MP

chuan “ Tunlawi hian kan thalai tam tak ram leh hnam vei fu fu si a thawh chhuah nei si

lo kan tam mai. A thawk thei ber tur leh thawk hlawk ber ber tur ten Drugs kan Addict

tlat mai te, zu-ngawl kan vei tlat mai te hi thil pawi tak a ni a, ram leh hnam humhalhna

kawng daltu lian tak a ni” a ti. Eibar a intodelh tur chuan a chhung a chengte hi rintlak

belhtlak tleh innghahna tlak a kan awm a pawimawh, hnam rinawm lo an dingchhuak

ngai lo, mirinawm lo ngainep ila mi rinawmte I chawimawi ang u.

II. Taimakna : “Taimak hi hlawhtlinna bul a ni” tih thufing hi a dik hle mai .

Taima kan hi tirei peih an ni fo. Israel rama mizo pemthla te chuan “helaia kan thawh

nasat ang hian Mizoramah hian thawk nasa ila, intodelh loh ngaihna a awm lo” an ti.

“Switzerland ah chuan sawrkar hotuten hnathawh hun darkar tih tlem an duh avangin

an nuar a ni” an ti. Singapore khawpui pawh rethei hle mahse Lee Kaun Yuw hruaina

hnuaiah mi taima leh thawkrim hnam kan ni ti ngam khawpin an thawk nasa

a,khawvel hriat tham khawpin an lo changkang ta. Korean ho chuan chaw an ei

dawnin, “Hna kan thawh loh chuan chaw ka ei lovang” tiin ban meuh pharin thu an

tiam thin. Mizo thalai, taksa chak zawk ten feh kawng zawh kan peih lo sawt hle niin a

lang. Tar leh hmeichhe chawm ram kan nih chuan eibar a intodelh a har hle ang. Mi

ropui ten mitaima an ngaisang thin, Hnathawktu kur thap hrip hrep avangin kan ram

hi a la ding hram hram a ni. Chuvangin taksa leh rilru chak lai thalai te hi taima taka

eizawnna a hma la turin I pen ang u.

III. Tumruhna : Thufing chuan “Tumna a awm chuan kawng a awm” a ti a.

Vawikhat hlawhchham vanga beidawng an ding chhuak ngai lo. Thomas Alva Edison

chuan vawi zanga zet a hlawhchham hnuah, a beidawn duh loh avangin Electric Bulb a

hmu chhuak a. Graham Bell-a pawhin beidawng lova a beihna avangin “Mi a” an tih

hial hnuah Telephone a hmuchhuak. Abraham Lincoln a pawh vawi tam tak a

hlawhchham hnuah a beih talh talhna avangin America President atan thlan tlin a lo ni

ta. Tumruhna hi motor engine ang mai a min nawr kaltu a ni a. Chuvangin tih tak takna

leh tumruhna nen engkim tih kan zir a tul a ni.

IV. Sakhaw Zirtirna Dik : John Calvin a chuan “Mahni hnathawh a

rinawmna hi Pathian Rawngbawlna dik a ni” a ti. Kan eizawnna hnaah hian Pathianin

a rawngbawl turin min ko a ni, Loneitu,Huan siamtu chuan a hna kha Pathian kohna a

ni tih a hre tur a ni. Khaw thenkhat chu an kohhhran an hlim avangin Lo lam hnathawk

tur an awm lova, an tam phah hial thin a. zirlai thenkhat pawh an pianthar vangin an

zirlai an zir tha thei lova an fail phah thin a, chu chu krista kross put puinaah inngai a,

an lawm tho thin. Hei hi rindan dik lo a ni. Mi, a lo pianthar chuan a taima a, a hnaah a

rinawm a,a hlawhtling zawk thin. Pathian thu hian taksa malsawmna a keng tel a ni.

America ram hmasawnna bul chu “IN GOD WE TRUST” tih thupuia an neih hi a ni.

Pathian thu nunpuitu an rethei ngai lo.

V. Thiamna : Mizoram a loneitute hi Israel leh Japan loneitute aiin an

thawk tlem chuan kher lovang. Anni chuan tunlai thiamna nen hna an thawk a,

chuvangin an thlai thar a hlawk a ni. Finna hi thiltihtheihna a ni a, thiamna hi

hmasawnna kailawn a ni. Kan taimakna hi thiamna a innght a nih chuan a hlu zual bik

thin. Eibara intodelhna atan hian rin kal mai lovin tunlai thiamna hmangin thlaite

ching ila a hlawk bik hle ang.

Kutdawh chung chuan nalh takin inchei mahse tumahin an zah ngai lo. Mi

thilpek ringawt ring a khawsaten tuma ngaihsan an hlawh ngai lo. Mi hausa mahni kea

ding, midangte tanpui zawk thin chu thawmhnaw chhete pawh inbel mahse an hmusit

thei lo. Pawn lam incheina leh lan dan aiin chhungril takna leh nihna a pawimawh

zawk. Ram Zahawm leh Hnam ngaihsanawm kan nih theih nan Eibar a kan intodelh a

tul a ni.

Possibilities of Groundnut Cultivation In Mizoram

KAMTA PRASAD , K,A.PATHAK BRAJENDRA , & A.K.VISWAKARMA

ICAR Research Complex For NEH Region, Mizoram Certre , Kolasib

Introduction : The oils and fat have an important place in the Indian food system.

According to an estimate by the year 2020, India’s population will touch a mark of

1437.78 million and we will require 10.495 million tonnes of edible oil. To meet

demand of this huge quantity of edible oil,around 35 millions tonnes of oil seed will

be needed. Groundnut is a most important oilseeds crop and contributes nearly 33 to

44 percent in total oilseeds production .But its production is not stable and

fluctuating erratically(Table 1 & figure 1) Moreover, its production in traditional

groundnut growing areas has already reached to a, plateau and now it is showing

decreasing trend .To check further decline in production, along with technical

development, new areas for its cultivation have to to explored. In this direction, NEH

region including Mizoram can be a potential area, for its cultivation because in NEH

region both production and productivity of groundnut are sowing the increasing

trends (Table 2) The possibilities for groundnut cultivation in the region are discussed

below

Research Findings : Experiments for evaluation of varieties for yield

potential and other parameters were conducted at the ICAR Mizoram Centre ,Kolasib

for the last 20 years. Nearly 80 varieties had been tested. The results were very

encouraging and the yield varies from 15-21 q/ha.

Climatic Conditions : Groundnut grows well in tropical climate. It requires a

long and warm growing season. Some of the major climatic factors are given below.

Temperature : The groundnut crop growsn well when the mean

temperature is in between 21-26.5

C . The temperature between 21-310C (Table 4)

during cropping season in Mizoram, Which is suitable for growing groundnut.

Rainfall: Though amount of total rainfall is very high i.e 1762 to 3469 mm

but distribution of rainfal is well suited for groundnut cultivation . Long spell of rainfall

is rare and immediately after rainfall weather becomes clear. Further there is no

problem of drainage as soil of Mizoram are light and groundnut is cultivated in upland

as jhum crop.

Soil : Groundnut thrives well in welldrained light soil, as light soil helps for

easy penetration of pegs, their development and harvesting as well. The soils of

Mizoram are very light and suited well for groundnut cultivation.

Suitability as mixed crop : During Kharif season maize is the second

major crop of Mizoram. Which is not only accelerating the soil erosion but also

responsible for deterioration in soil fertility being a crop of graminae family. The

groundnut can successfully be grown as a mixed crop with maize because it is a

legume crop and fixes atmospheric nitrogen in soil. It provides good cover to soil,

which reduces soil erotion. This also helps in checking the growth of weeds. Thus,

groundnut not only increases the soil fertility but it also reduces the menace of soil

erosion.

Transportation of farm produce : Due to undulated topography

transportation of the farm produce from field to the point of disposal, is a very difficult

task. Groundnut is cash crop and fetch more net income inspite of less yields. Thus,

farmers of Mizoram state can sustain their income by spending less money, labour and

time by growing groundnut.

Storage and Marketing : Due to less yields, groundnut requires less

space for storage in comparison to other crop so; it can be stored easily and marketed

during lean season. Moreover, it can be stored for a longer period than the perishable

crop such as ginger, banana, etc. So. Farmers can avoid forced disposal of the produce.

Package of practice : For field preparation , only 6-8cm deep ploughing

twice or thrice is cultivation of this crop. In the basal application, the fertilizer should

be placed about 4-5cm in the side of the seed and 4-5 cm below the seed, at the time of

sowing. Application of gypsum @125 kg per ha. enhance the yield and oil content.

At the initial stage of the crop, weed management is very important.Two crop

weeding at three weeks interval from the date of sowing are found to be optimum.

Earthing –up should also be taken up simultaneously with interculture operation and

soil should not be disturbed at pod formation stage.

Groundnut is mainly infested by Tikka disease. To check the disease only treated

seeds should be sown and the crop should be sprayed with 0.05% solution of bavistin

during the incidence.

White grub and Termites are major insect pests and these can be controlled by

mixing of Thimet granule 10 percent @15 kg ha

-1

at the time of sowing in soil.

The yield varies from20-30 q/ha and mainly depends on the management of the

crop .

TABLE 1 : Total Groundnut Production (M.tones).Area, Yield , Total Oilseeds

Production (M.tones) and Percentage Contribution of groundnut in total oilseeds

production in India during 1994-2001

Year

Production

Groundnut

(M tones)

Area

(In M

Ha)

Yield

(Kg/ha)

Total Oilseeds

Production

(M tones)

Percentage of

Groundnut in total

Oil seeds

Production(%)

1994-95

8.1

7.8

1027

21.3

38.02

1995-96

7.6

7.5

1007

22.1

34.39

1996-97

8.6

7.6

1138

24.4

35.25

1997-98

7.4

7.1

1040

21.3

34.74

1998-99

7.4

1214

24.7

36.44

1999-2000

9.3

6.9

766

20.7

44.93

2000-2001

6.2

6.7

924

18.4

33.7

Source : Basic Statistics of NER ,2002 E &M Cell, GOI, NEC, Shillong

Table 2 :Area (000 Ha.) and Production (000 tonnes) of groundnut in NEH

Region during 1994-2001.

Year

Production of

Groundnut

(000 tones)

Area

(In 000

Ha)

Yield

(Kg/lia)

1994-95

2.5

2.4

960

1995-96

2.5

2.3

920

1996-97

4.5

1000

1997-98

4.0

4.3

1075

1998-99

4.3

4.7

1093

1999-2000

4.8

5.3

1104

2000-2001

4.0

1000

Source : Basic Statistics of NER ,2002 E &M Cell, GOI, NEC, Shillong

KEIMAHNI

A.PROMOTION:

A Hnuaia SAS-II ah an kaisang (promote) a. Kan lawmpui em a ni.

Sl.No

Name of Officers

Present Place Of Posting

New place of Posting

Biakhmingthanga

DAO Office,Kolasib

DAO Office, Kolasib

Lalthlamuana

Phuaibuang

VL.Zidinga

Central Store,Dte.Of.Agri

H.Lalkima

DAO Office, Champhai

K.Hrangmuana

DAO Office, Kolasib

Chhingkhuma

SDAO Office, Hnahthial

B. TRANSFER & POSTING:

Sl.No

Name of Officers

Present Place Of Posting

New place of Posting

Vanlalhruaia Hnamte, A.E.O

Director 's Personal Cell

Agronomy Section

L.Khawkunga, A.E.O

Hnahlan RD Block

Lawngtlai RD Block

T.Ngunhluna, A.E.O

Lawngtlai RD Block

Tuipang RD Block

T.Lalchamlian, A.E.O

Dte. Of RD

Lawngtlai RD Block

R.Hranghrima, A.E.O

Darlawn RD Block

Hnahthial RD Block

R.Zothanmawia, AAI

i/c Stationeries

Plant Protection Section

S.S Purkayuastha, A/D

Plant Protection Section

Neihbawi Agril. Farm

V.Lalsiama,Assistant

Establishment Section

Minor Irrigation Section

Darneihthangi, Assistant

Jt.Director (M.I) Section

Establishment Section

Chhuanvawra, UDC

Planning Section

i/c Stationeries

Aithuami, UDC

Soil Survey Section

Establishment Section

Pi. Lalthanmawii, LDC

Establishment Section

Soil Survey Section

Esther Laldinpuii, LDC

A.E(M.I) Section

DAO Mamit

C.PENSION :

Heng kan thawhpuite hian Pension –in min chhuahsan ta :

1) Remchhunga Chawngthu Head Assistant 30.11.2004

2) R. Laltanpuia Driver 30.10.2004

Note : July –Sept ,2004 Issue ah Pu Lalsiamliana, SDAO Hnahthial 30.9.2004 pension a

tarlan kha March, 2005 thleng a service pawhsei sak a ni.

‘D’ PAWIMAWH DANG :

Agriculture Department hnuaia Joint Director etc. hna chanpual(work Assignment) chu

hetiang hian kan Director thar- Pu Lalramthanga Tochhawng chuan a siam thar a ni.

Joint Directors :

Joint Director

(Agriculture

Engineering)

1. Minor Irrigation & Water Resources

2. Command Area Development

3. Flood Control

Joint Director of

Agriculture

1. To Assist Director of Agriculture in all

Officialwork and all files should be routed

through Joint Director of Agriculture except

Technical files of Minor irrigation.

2. All Vehicle & POL Etc.

3. Audit & Legal

4. ISOPOM.

Joint Director

(Land use Board)

1. Land Use Board

2. Drawing & Disbursing Officer

Training Organizer

(KVK)

1. Research and Education

2. K.V.K

3. Agriculture Farm

Deputy Directors

Dy.Director (Admn.)

1.Establishment

2.Stationeries

3.Trainings other than Departmental Officers

Dy.Director (Planning)

1.Planning & Programme Implementation

2.Agriculture Statistics.

3.Micro -Management Mode

4.Organic Farming.

5.Infrastructure Development and

Machineries.

6.Central Store.

Dy.Director (soil

survey)

1.State Soil Survey Organisation

2.Soil Testing Laboratory .

3.IWDP cell.

4.Remote sensing.

Dy.Director

(Extension)

1.Extension

2. Training of Deptmental Officers.

3. Farmers Training.

4. Publication (Including Annual Reports)

Agonomist

1. Crop Production (ICDP, SUBAC,

Foodgrain Development.

2. Seed Testing Laboratory and Certification

Agency

3. Plant Protection/Insecticides & Bio

Control Laboratory.

4. Bio-Fertilizer Production Unit.

SDAE(Hqrs.)/SCE

1. Land Development

2. Connectivity

3. Buildings.

4. Agriculture Machineries.

Asst.Soil Chemist

1. Soil & Fertilizer Testing Laboratories.

2. Manure & Fertilizer.

Seed Analyst.

1. Seed Testing Laboratories.

2. Seed Certification Agency.

Insecticide Analyst.

1. Insecticide Laboratories.

2. State Bio-Control Laboratories.

Asst.Plant Protection-

Officer

1. Plant Protection & Quarantine.

2. Rodent Control.

S.M.S(Remote Sensing)

Remote sensing Data and Photo

Interpretation

S.Q-cum-S.A

Officer In-charge , Central Store

A.E (MI)

To Assist, Joint Director (Agriculture

Engineer)

2. MAPLE ORGTECH (INDIA )Pvt. Ltd TEN “ EFFECTIVE MICRO ORGANISMS”

TECHNOLOGY AGRICULTURE OFFICER TE LEH FARMER TE AN RAWN ZIR TIR : Ni

7.10.2004 -9.10.2004 inkar khan Maple Orgtech (India) Pvt. Ltd Dehradun, Uttaranchal

a mithiam lokalte chuan Durtlang Farmer te leh Agriculture Officers te chu Organic

Farming Mizoram a lo hlawhtlin theihna turin Effective Micro organisms Technology

(EMIT) theory leh practical in an rawn zirtir a, Trainees ten an hlawkpui hle a ni.

3. TRAINERS TRAINING ON ORGANIC FARMING : 15.10.2004 khan Agriculture

Conference Hall ah Agriculture Executive Service member 100 velin Trainers Training

on Organic Farming an nei a. He Trainers training a tel te hi Agriculture Department

leh Rural Development Department, Mizoram hmun hrang hrang atanga lokalte an ni a.

Agriculture mithiam tak tak ten he training ah hian Agriculture Executive member te hi

an zirtir a ni.

4.FARMERS TRAINING :- Ni 26.10.2004 zan khan Ramhlun North YMA te, mithahnem

tak farmers Training neih pui a ni a, Agriculture mithiam ten loneih dan(Agriculture)

chi hrang hrang an zirtir a ni.

5. BIOLOGICAL FERTILIZER TECHNOLOGY TRAINING ZO : Dr. Lalmuanzovi,

Asst. Project Director MIP leh Pi Lalengzami Haolai, AEO te chuan Ni 26 August, 2004-

October, 2004 chhung khan Biological Fertilizer Technology- tih thupui hmangin,

research institute of Micro Biology, Boarding city, Hebei Province, P.R. China atangin

training an rawn zo ta a, Mizoram sorkar in kan chhawr tangkai ngei a beiseiawm a ni.

6. 1

NATIONAL FOUNDATION ON ORGANIC FARMING : 1

National Foundation

training on Organic Farming for Senior Personal Course chu District Agricultural

Officers –Pu Lalrinliana, DAO Aizawl, Pu Zahlira Hrahsel, DAO Mamit, Pu R.L.

Thanzuala, DAO Kolasib, Pu Rohmingthanga Colney DAO Champhai ten ni 27

September,2004 -2

October, 2004 chhung khan Dehradun. Uttaranchal ah an zuk zo

a. He Senior Officers Training Course hi Mizoram ah Organic Farming tihhlawhtlinna

hmanrua tangkai tur a tih a ni.

7. TRAINING ON RODENT MANAGEMENT : Ni 5.11.2004 khan Agriculture

conference hall ah Agriculture and Allied Department leh Health Department Officer te

chuan Rodent Management Training an nei a. Government of india atanga mithiam

lokal ten he Officer training te hi an rawn zirtir a ni . Government of India atanga

mithiam lokal te chu –Dr.A.M.K Mohan Rao , Rodent Specialist, Ministry of Agriculture,

Hyderabad te, Dr. R.S Tripathi, Project Co-Ordinator, AICRP on Rodent Control,

Jodhpur te, Dr. Shyamal Biswas, Joint Director , Plaque Surveillance Unit, Bangalore te,

Dr.M.S.Pradhan, Deputy Director Zoological survey of India, Pune te an ni.

He Rodent Management Training Programme hi Pu H.Rammawi, Agriculture

Minister ruahmanna leh thahnem ngaihna a neih a ni a, Kum 2007 mautam lo thleng

tur a sazu puang tur laka inven lawkna atan ruahman a ni a. Sazu puang tur laka

invenna atana hmanrua tha tak a ni dawn a ni. He Rodent management training hi ni

4.11.2004 khan Champhaiah neih a ni a. Ni 16.11.2004 khan Kolasib ah neih

chhunzawm leh a ni bawk. He Rodent Management Training ah hian Theory bakah

Practical in Sazu chi hrang hrang en a, zirho a ni.

8. ORGANIC FARMING AWARENESS CAMPAIGN : Ni 20.11.2004 khan pu

H.Rammawi, Agriculture Minister hovin Durtlang ah Farmer thahnem tak te nen

Organic Farming Awareness Campaign hlawhtling tak a neih a ni.

9.KISSAN CALL CENTRE : Loneitute harsatna sut kian nan a Kissan Call Centre,

Kolkata a dah chu Zorama loneitute pawhin an chhawr tangkai ve tan ta a. He Kissan

Call Centre Phone No. chu 1551 a ni a, Directorate of Agriculture a contact phone No.

chu 2317053 dah a ni tih leh he Kissan Call Centre phone hi a Free a biak theih a ni.

10.TRAINING ON BANNER PROGRAMME : Ni 23-27.11.2004 khan National Institute

of Agril. Extension Management buatsaihin State Institute of Public

Administration,Rural Development (SIPARD), Tripura ah Banner “Programme on New

Dimensions In Agril.Extension Reforms” tih thupui hmangin Workshop neih a ni a.

Hetah hian Pu H.Thankhuma, Deputy Director of Agriculture (Extension) leh Pu

Tlangtimawia Zote, Agril.Extension Officer te an tel ve a ni.

11. MEMORUNDUM OF UNDERSTANDING ON STEVIA REBAUDIANA BERTONI

(SRB) SIGN FEL A NI : Pu H.Rammawi, Agriculture Minister remhriatna leh

ruahmanna angin Ni 13.12.2004 (2:00 pm) khan a Office Chamber ah Memorundum of

Understanding On Stevia Rebaudiana Bertoni (SRB) Government of Mizoram leh Sun

Fruits Limited , Profile Regency, Pune te chuan an sign fel ta. Mizoram sorkar aiawhin

Wg.Cdr.Lalnghinglova, Chairman, Marketing Board, Mizoram Intodelhna Programme

in a signed a, Sun fruits Limited Profile regency Pune aiawhin Mr.Shivaraj Bhonsle,

Director, Sun fruits Limited in a signed a ni. Hriatpuitu (witness) heng mite hian an

signed bawk.

1. Mizoram aiawhin- Pu Lalramthanga Tochhawng , Agriculture Secretary, Govt.Of

Mizoram leh Pu. P.Bhattacharjee, Jt.Director of Agriculture

2. Sun fruits Limited aiawhin Mr.Naveen Khanna, SA(Saimaa Agrotech) Kolkata.

Stevia Rebaudiana Bertoni hi Sun Fruits Limited ten a chi an rawn pe anga, a

tharte an lei vek dawn bawk a ni. He Stevia Rebaudiana Bertoni hi taksa tana pawilo

thlum pai thlai a ni a, thlai hlu tak a ni. Zun thlum leh Thisen sang damdawi tha tak a ni

bawk . He Stevia Rebaudiana Bertoni chung chang thu a MOU Agriculture Minister

hova sign naah hian Sawrkar Official pawimawh tak tak an tel a, chungte chu

1. Pu Lalramthanga Tochhawng - Secretary Cum Director, Agriculture

Department

2. Pu P.Bhattacharjee - Jt Director Of Agriculture

3. Pu C.Lalzarliana - Project Director, MIP

4. Pu P.Singthanga - Special Judge, Law & Judicial

5. Pu Chawngtinthanga - Dy Secretary , Law & Judicial

6. Dr.H. Saithantluanga - Dy. Director Of Agriculture, Planning

7. Pu H.Joela - S.O-cum-S.A

8. Pu R. Zoramthanga - Asst Agril. Information Officer

9. Pu Pradeep Chhetri - Agril. Extension officer

He memorundum of Understanding sign fel tak hi thla sawmruk chhung atan a

ni a, hman tan hun tur chu 25

january ,2005 to 31

March , 2005 a ni dawn a,

Mizoram Intodelhna Programme hnuai-ah 10 Hectares a zau a chin tur a ni ang.

He Memorundum of Understanding hi Chief Minister remtihna a sign fel a ni.

12.MIZORAM INTODELHNA PROGRAMME : Mizoram Intodelhna Project pawh

a la kaltluang zela, 1

Phase leh 2

Phase atana Loneitute pawisa dawn tur pawh sem

mek a ni a. Sem fel thawkhat a ni.

13. CROP EXHIBITION FOR WOMEN IN AGRICULTURE : November 11 & 12, 2004

khan Hnahthial Bazar Hall ah Crop Exhibition For women in Agriculture hlawhtling

taka neih a ni a. Pu Lalthansiama, DAO ,Lunglei in he Crop Exhibition hi a hawng a.

Chawhnu lamah Training ‘Manila Ghost’ neih a ni a, chutah chuan Resource Person te

chu

1. Pu Joela, S.O –cum- S.A

2. Pu Tlangtimawia Zote , AEO

3. Pu T.Vanlaltlana, DHO, Hnahthial te an ni.

He exhibition hi Pu Thlamuana MCS Dy.Commisioner , Lungleiin a khar a. He Crop

Exhibition a Women Group hrang hrang tel te hnenah hian lawmman tha tak leh

Certificate pek an ni.

KUM 1959 MAUTAM KA HRIAT DAN

By HT.Darbuka AEO

DAO(Office)Aizawl

Mau hi kum 50 dana tam thin a nih avangin, thil chinchang hre tur leh, tum 2

mautam hre hman tur chuan dam rei a ngai deuhva, ‘An ti’ tih bak chu chiang taka tum

2 mautam chung chang ziak emaw sawi thei emaw kan awm awm love.

Kum 1959 Mautam khan ram tangrual kum 15 mi vel ni tawhin buh hmawr

hmin tantirhin ka pa nen Mangkhawng Vengin kan riak a. Kan thlang lawkah kan khaw

pasaltha pawh amahin a riak ve bawk a. Hemi kum hian kum dang aiin sazu an tam hle

a. Hlo thlawh tantirh atangin Sawrkarin sazu tur dum(Zinc Phosphide) an sem a.

Chungte chu a chah dan min zirtir angin thlawhlaiah kan chah thin a. Kumtluanin a

khat tawkin kan chah a. Sazu pawhin an thih phah nasain a thih tam deuh tum phei

chuan thlawhlai te pawh a uih rum rum thin reng a. He ti taka tur leh thang nena tan

han lak takah chuan buh leh thlai dang an ei duh zawng lak a ta thlaite engemawzat

chu kan chhanhim pawhin ka hria.

Ka sawi tawh ang khian a tahrik ni te chhinchhiah ve ta lo chu, buh hmawr hmin

tantirh laia mangkhawng venga kan riah zan 2 na a tuk zing khawvar hlima kan han

tho kan han hawi vel chu, buh par (vui) in pu hmuh tur a awm ta miah lo mai a. Buh

hmin tha khati zo zai lo bul fai ta vek mai chu tiin buh kung hnuai te keuvin kan han

thlek chiam a. Buh kung hnuai leiah chuan tlem a zawng sazu ten an eina bang te chu

hmuh tur a awm nil nial chauhva. Vau chhung lamah an pu lut a ni ang e tiin Vau

chhung pawh thui fe kan en a. Mahse sazu hnu hma tih tham hmuh tur an awm lo.

Kan thlang lawka kan khaw pasaltha ram riak pawh chu lo kalin, “Thenawmpa,

buh seng tur ka nei ta love” a rawn ti a, beidawng takin zing chaw te kan eikham hnu

chuan inlam panin kan hawng tlang ta a.

A bik takin, pasaltha te hian dawt an sawi mai mai ngai lova. An zan mu te hi an

mu nghet lo bik emawni tih mai turin thil riva dang lam deuhte hi an hre thei bika. He

mi zana thil thleng pawh hi kan pasaltha chuan heti hian a sawi.

“Zan lai a pel tawh deuhvin ka hria, thlam chung zawn velah hian thlanei thawm

ni ngei thum deuh huk huk thin hi ka hria a, tho mai ta lem lo chuan ka beng ka han

chhi tha deuhva, hmun tin maiah hian thum deuh ham ham hian ka hria a, bak thlawk

velah ka ngai deuhva. Tuibur hmuam da vel hnuah chuan zun zungin ka va chhuaka ,

chung lamah pahnih khat, thlawk zauh zauh hi thim zingah ka hmu thei” a ti a. “Khua a

thim em avangin engmah hmuh tur sava tlem te thlawk pheuh pheuh tih mai loh chu

tiin ngaihtha vak lo chung chuan ka mu leh ta mai a. Zing khawvar det detah ka va tholeh chu ka thlam bul vela ka buh vui te chu an

bul hmiar a ni tih ka hmu a, khua a lo

eng zual zela ka fang kual zung zunga buh vui pu lai hmuh tur reng a awm ta lova,

beidawng takin thlam a lutin rawng ka bawl sawk sawka, zing chaw ka ei khama ka

rawn fin ta che u a ni” a rawn ti a.

Kum dang ai zawngin sazu hi chu a tam ngei mai, mahse zankhat thil thu leka a

mual a mual, a zauva zau zan khat thil thu a bo zo ta duak mai hi sazu an ni seng lo tih

hi mitin hmu lo mah ila chiang taka hretu ka nih ve avangin, kan mithiamte hian he lam

hawi zawng hian rilru leh ngaihtuahna lo seng turin ka chah duh a ni e